૨ શમુએલ 21:16 - પવિત્ર બાઇબલ C.L.

¹⁶ યિશ્બી- બનોબ નામનો રફાઇમ જાતિનો એક રાક્ષસી કદનો માણસ હતો. તેના તાંબાના ભાલાનું વજન સાડા ત્રણ કિલોગ્રામ હતું અને તેણે કમરે નવી તલવાર ધારણ કરેલી હતી. તેનો ઇરાદો દાવિદને મારી નાખવાનો હતો.

પવિત્ર બાઇબલ OV Reference Bible (BSI)

¹⁶ રફાહપુત્રોમાંનો યિશ્બી-બનોબ નામે એક માણસ હતો, તેના ભાલાનું વજન પિત્તળના ત્રણસો શેકેલ હતું. તેણે નવી [તરવાર] કમરે બાંધી હતી, તેણે દાઉદને મારી નાખવાનો વિચાર કર્યો.

ઇન્ડિયન રીવાઇઝ્ડ વર્ઝન ગુજરાતી - 2019

¹⁶ અને રફાહના વંશજોમાંનો એક યિશ્બી-બનોબ હતો. તેના ભાલાનું વજન પિત્તળના ત્રણસો શેકેલ ચોત્રીસ કિલો પાંચ ગ્રામ હતું તેણે નવી તલવાર કમરે બાંધી હતી, તેનો ઇરાદો દાઉદને મારી નાખવાનો હતો.

પવિત્ર બાઈબલ

¹⁶ તે વખતે યિશ્બીબનોબ વિરાટકાય માંણસોમાંનો એક હતો, તેની પાસે નવી તરવાર અને એક ભાલો હતો, તે આશરે સાડાસાત પાઉન્ડનો હતો. તેને દાઉદને માંરી નાખવો હતો.

૨ શમુએલ 21:16 Iomraidhean Croise

ઉત્પત્તિ 14:5

ચૌદમે વર્ષે કદોરલાઓમેર તથા તેના મિત્ર રાજાઓએ પોતાનાં લશ્કરો લઈને આશ્તરોથ- કારનાઇમના પ્રદેશના રફીઓને, હામના પ્રદેશના ઝુઝીઓને, શાવે-કિર્યાથાઈમ પ્રદેશના એમીઓને

ઉત્પત્તિ 6:4

તે દિવસોમાં અને તે પછી પણ પૃથ્વી પર રાક્ષસી કદના માણસો વસતા હતા. તેઓ ઈશ્વરના પુત્રો અને માણસોની પુત્રીઓથી જન્મ્યા હતા. તેઓ પ્રાચીનકાળના શક્તિશાળી અને નામાંક્તિ વીરપુરુષો હતા.

૨ શમુએલ 21:18

તે પછી પલિસ્તીઓ સાથે ગોબમાં યુદ્ધ થયું. તે દરમ્યાન હુશાય નગરના સિબ્બખાયે રફાઈ જાતિના સારુ નામના યોદ્ધાને મારી નાખ્યો.

૨ શમુએલ 21:20

પછી ગાથમાં બીજી એક લડાઈ થઈ. જેમાં એક રાક્ષસી કદનો યોદ્ધો હતો. તેને બન્‍ને હાથે છ છ આંગળીઓ હતી અને બંને પગે છ છ આંગળીઓ હતી.

૨ શમુએલ 21:22

આ ચારેય યોદ્ધાઓ ગાથ નગરના હતા અને રાક્ષસી કદ ધરાવતી રફાઈ જાતિના વંશજો હતા અને દાવિદ અને તેના માણસોએ તેમને મારી નાખ્યા.

૨ શમુએલ 5:18

પલિસ્તીઓએ રફાઈમની ખીણનો કબજો લીધો.

ગણના 13:22

તેઓ નેગેબમાં થઈને હેબ્રોન પહોંચ્યા. ત્યાં રાક્ષસી જાતિ અનાકના વંશજો અહિમાન, શેશાય તથા તાલ્માયનાં કુટુંબો રહેતાં હતાં. (ઇજિપ્તમાં સોઆન બંધાયું તેનાં સાત વર્ષ પહેલાં હેબ્રોન બંધાયું હતું.)

ગણના 13:28

પરંતુ ત્યાંના લોકો બળવાન છે. તેમનાં નગરો કિલ્લાવાળાં અને બહુ વિશાળ છે. વળી, અમે ત્યાં રાક્ષસી જાતિ અનાકના વંશજોને પણ જોયા.

પુનર્નિયમ 1:28

આપણે ક્યાં જઈ રહ્યા છીએ? આપણા જાતભાઈઓએ આપણને જણાવ્યું છે કે, “એ લોકો તો આપણા કરતાં કદાવર અને ઊંચા છે; તેમનાં નગરો વિશાળ અને ગગનચુંબી કોટવાળાં છે. વળી, ત્યાં અમે અનાકના વંશજો જોયા છે.” એમ કહીને તેમણે આપણને નાહિંમત કરી નાખ્યા.

પુનર્નિયમ 2:10

“(આર નગરમાં અગાઉ એમી જાતિના ઘણા લોક વસતા હતા. તેઓ અનાકીઓની જેમ બળવાન અને કદાવર હતા.

પુનર્નિયમ 2:11

અનાકીઓની જેમ તેઓ પણ રફાઈઓ તરીકે જાણીતા હતા. પરંતુ મોઆબી લોકો તેમને એમીઓ કહેતા હતા.

પુનર્નિયમ 2:21

અનાકીઓની જેમ રફાઈઓ પણ બળવાન અને કદાવર તેમજ સંખ્યાબંધ હતા. પણ પ્રભુએ આમ્મોનીઓ સામે તેમનો વિનાશ કર્યો અને એમ આમ્મોનીઓએ તેમનો પ્રદેશ કબજે કરીને ત્યાં વસવાટ કર્યો.

પુનર્નિયમ 3:11

(બાશાનનો રાજા ઓગ રફાઈ જાતિનો છેલ્લો રાજા હતો અને તેની શબપેટી લોખંડની હતી. નિયત માપ પ્રમાણે તે આશરે ચાર મીટર લાંબી અને બે મીટર પહોળી હતી. તે પેટી આમ્મોનીઓના રાબ્બા નગરમાં હયાત છે.)

પુનર્નિયમ 9:2

ત્યાંનાં લોકો ઊંચા અને કદાવર છે. તેઓ અનાક નામની રાક્ષસી જાતિના વંશજો છે. તમે તેમને વિષે જાણો છો અને તમે તેમને વિષે સાંભળ્યું છે કે ‘અનાકી લોકો સામે કોણ ટક્કર લઈ શકે?’

યહોશુઆ 11:22

ગાઝા, ગાથ અને આશ્દોદ સિવાય ઇઝરાયલ દેશમાં અન્ય કોઈ જગ્યાએ અનાકી જાતિનો કોઈ માણસ બાકી રહ્યો નહિ.

યહોશુઆ 15:14

કાલેબે અનાકના વંશજોમાંના શેશાય, અહિમાન અને તાલ્માય ગોત્રના લોકોને તે નગરમાંથી હાંકી કાઢયા.

૧ શમુએલ 17:7

તેના ભાલાનો હાથો વણકરની શાળમાં કપડું વીંટવાના લાકડાના દાંડા જેટલો જાડો હતો અને ભાલાનું લોખંડનું ટોપચું સાત કિલો વજનનું હતું. એક સૈનિક તેની આગળ તેની ઢાલ લઈને ચાલતો.