૧ શમુએલ 6:15 - પવિત્ર બાઇબલ C.L.

¹⁵ લેવીઓએ પ્રભુની કરારપેટી ઊંચકીને સોનાના નમૂના ભરેલી પેટી સહિત તેમને મોટા ખડક પર મૂકી. પછી બેથશેમેશના લોકોએ તે દિવસે પ્રભુને દહનબલિ અને બીજાં બલિ અર્પ્યા.

પવિત્ર બાઇબલ OV Reference Bible (BSI)

¹⁵ પછી લેવીઓએ યહોવાનો કોશ તથા તેની સાથેના સોનાના દાગીનાવાળો દાબડો ઉતારીને તે મોટા પથ્થર પર મૂક્યા; અને બેથ-શેમેશના માણસોએ તે જ દિવસે યહોવાને દહનીયાર્પણો તથા યજ્ઞો કર્યાં.

ઇન્ડિયન રીવાઇઝ્ડ વર્ઝન ગુજરાતી - 2019

¹⁵ લેવીઓએ ઈશ્વરના કોશને તથા તેની સાથેની દાગીનાની પેટીને જેને સોનાનો આકડો હતો, તેઓને મોટા પથ્થર પર તેને મૂક્યો. બેથ-શેમેશના માણસોએ તે જ દિવસે ઈશ્વરને દહનીયાર્પણો કર્યા તથા બલિદાનો ચઢાવ્યાં.

પવિત્ર બાઈબલ

¹⁵ પછી લેવીઓએ યહોવાનો પવિત્રકોશ અને સોનાના દાગીનાવાળો દાબડો ઉતારી લીધાં અને પેલા મોટા પથ્થર ઉપર મૂકયાં, પછી બેથ-શેમેશના લોકોએ તે દિવસે યહોવાને દહનાર્પણો ચડાવ્યાં.

૧ શમુએલ 6:15 Iomraidhean Croise

યહોશુઆ 15:10

જ્યાંથી તે બાઅલાની પશ્ર્વિમે ચકરાવો ખાઈને અદોમના પહાડીપ્રદેશ તરફ, અને ત્યાંથી યઆરીમની (એટલે ક્સાલોન) ઉત્તર બાજુએ ગઈ અને બેથ-શેમેશ સુધી નીચે ઊતરી અને તિમ્નાને બાજુ પર રાખી આગળ વધી.

યહોશુઆ 3:3

લોકોને કહ્યું, “જ્યારે તમે લેવીવંશી યજ્ઞકારોને તમારા ઈશ્વર પ્રભુની કરારપેટી ઊંચકીને જતા જુઓ ત્યારે તમારી છાવણી ઉપાડી લઈને તેમની પાછળ જજો.

૧ શમુએલ 6:18

પલિસ્તીઓના પાંચ રાજવીઓના શાસન તળેનાં કિલ્લેબંધીવાળાં નગરો તેમ જ ખુલ્લાં ગામોની સંખ્યા પ્રમાણે તેમણે સોનાના ઉંદર મોકલ્યા હતા. બેથશેમેશમાં યહોશુઆના ખેતરમાંનો મોટો ખડક કે જેના પર તેમણે પ્રભુની કરારપેટી મૂકી હતી તે ખડક હજુ પણ એ બનાવની સાક્ષી પૂરતો ત્યાં ઊભો છે.