૧ રાજા 12:6 - પવિત્ર બાઇબલ C.L.

⁶ રહાબામે પોતાના પિતાના વડીલ સલાહકારોનો પરામર્શ કર્યો. તેણે પૂછયું, “આ લોકોને મારે શો જવાબ આપવો? તમારી શી સલાહ છે?”

પવિત્ર બાઇબલ OV Reference Bible (BSI)

⁶ રહાબામ રાજાએ પોતાના પિતા સુલેમાનની હયાતીમાં, તેની હજૂરમાં જે વડીલો ખડા રહેતા હતા તેઓની સલાહ લેતાં પૂછયું, “આ લોકોને ઉત્તર આપવા માટે તમે શી સલાહ આપો છો?”

ઇન્ડિયન રીવાઇઝ્ડ વર્ઝન ગુજરાતી - 2019

⁶ રહાબામ રાજાએ પોતાના પિતા સુલેમાનની હયાતીમાં, તેની આગળ જે વૃદ્ધ પુરુષો ઊભા હતા તેઓનું માર્ગદર્શન માગ્યું કે, “આ લોકોને જવાબ આપવા માટે તમે શી સલાહ આપો છો?”

પવિત્ર બાઈબલ

⁶ ત્યારબાદ રાજા રહાબઆમે પોતાના પિતા સુલેમાંન જીવતા હતા ત્યારે જે વડીલો તેના સલાહકારો હતા તેઓની સલાહ લીધી. તેણે પૂછયું, “તમે મને આ લોકોને શો જવાબ આપવો તેની સલાહ આપો.”

૧ રાજા 12:6 Iomraidhean Croise

૨ શમુએલ 16:20

પછી આબ્શાલોમે અહિથોફેલ તરફ ફરીને પૂછયું, “હવે આપણે અહીં શું કરવું એ વિષે તું શી સલાહ આપે છે?”

૨ શમુએલ 17:5

આબ્શાલોમે કહ્યું, “હવે હુશાયને બોલાવો. અને તેનું શું કહેવું છે તે પણ સાંભળીએ.”

૧ રાજા 10:8

તમારા માણસો કેવા ભાગ્યશાળી છે! વળી, તમારી તહેનાતમાં સતત રહેતા તમારા સેવકો પણ કેવા ભાગ્યશાળી છે કે તેમને તમારી જ્ઞાનવાણી સાંભળવાનો લહાવો મળે છે.

૧ રાજા 4:1

શલોમોન સમગ્ર ઇઝરાયલ પર રાજા હતો,

૧ રાજા 4:2

અને તેના મુખ્ય અધિકારીઓ આ હતા: મુખ્ય યજ્ઞકાર: સાદોકનો પુત્ર અઝાર્યા.

અયૂબ 12:12

વયોવૃદ્ધ માણસો પાસે જ્ઞાન હોય છે, પરંતુ ઈશ્વર પાસે જ્ઞાન અને સામર્થ્ય બન્‍ને છે. પરિપકવ માણસો પાસે સમજ હોય છે, પણ ઈશ્વર પાસે સમજ ઉપરાંત સત્તા પણ છે.

અયૂબ 32:7

મેં વિચાર્યું, ‘ભલે, વયોવૃદ્ધો બોલે અને વયમાં મોટાઓ જ્ઞાન શીખવે,’

નીતિવચનો 27:10

પોતાના મિત્રને અરે, તારા પિતાના મિત્રને પણ તજીશ નહિ, એમ કરીશ તો આપદ્કાળે ભાઈને ત્યાં દોડી જવાની જરૂર પડશે નહિ; દૂર રહેતા ભાઈ કરતા નજીકનો પડોશી વધારે મદદરૂપ બનશે.

યર્મિયા 43:2

ત્યારે હોશાયાનો પુત્ર અઝાર્યા, કારેઆનો પુત્ર યોહાનાન અને બીજા ઉદ્ધત લોકોએ યર્મિયાને કહ્યું, “તું જૂઠું બોલે છે! અમારા ઈશ્વર પ્રભુએ અમને ઇજિપ્ત જઈને વસવાટ કરવાની મના કરવા તને મોકલ્યો નથી.