૧ કાળવૃત્તાંત 10:9 - પવિત્ર બાઇબલ C.L.

⁹ તેમણે શાઉલનું મસ્તક કાપી નાખ્યું અને તેનું બખ્તર ઉતારી લીધું. પછી એ લઈને પોતાની મૂર્તિઓ અને પોતાના લોકને શુભ સમાચાર પહોંચાડવા આખા પલિસ્તીયામાં સંદેશકો મોકલ્યા.

પવિત્ર બાઇબલ OV Reference Bible (BSI)

⁹ તેની ઉપરથી તેઓએ બધું ઉતારી લીધું, તેનું માથું કાપી નાખ્યું તથા તેનું કવચ પણ લીધું, ને તેઓએ પોતની મૂર્તિઓને તથા લોકોને તેની વધામણી આપવા માટે ચારે તરફ પલિસ્તિઓના દેશમાં સંદેશિયા મોકલ્યા.

ઇન્ડિયન રીવાઇઝ્ડ વર્ઝન ગુજરાતી - 2019

⁹ તેઓએ એ મૃતદેહ પરથી સઘળું ઉતારી લીધું અને શાઉલનું માથું તથા તેનું કવચ લઈ લીધા. તેઓએ પોતાની મૂર્તિઓને તથા લોકોને શુભ સમાચાર આપવા માટે ચારે તરફ પલિસ્તીઓના દેશમાં સંદેશવાહક મોકલ્યા.

પવિત્ર બાઈબલ

⁹ તેઓએ શાઉલનું બખ્તર ઉતારી લીધું અને તેનું માથું કાપી નાખ્યું. પછી સમગ્ર દેશમાં વધામણી આપવા સંદેશાવાહકો મોકલ્યા અને તેઓની મૂર્તિઓ આગળ ઉજવણી કરી.

૧ કાળવૃત્તાંત 10:9 Iomraidhean Croise

૨ શમુએલ 1:20

ગાથમાં તે કહેશો નહિ કે આશ્કલોનની શેરીઓમાં એ જાહેર કરશો નહિ; નહિ તો પલિસ્તીયા દેશની સ્ત્રીઓ આનંદ કરશે અને પરપ્રજાની પુત્રીઓ ખુશ થશે.

૧ કાળવૃત્તાંત 10:10

તેમણે તેનાં શસ્ત્રો તેમના એક મંદિરમાં મૂક્યાં અને શાઉલનું માથું તેમના દેવ દાગોનના મંદિરમાં ટાંગ્યું.

૧ કાળવૃત્તાંત 10:4

તેણે પોતાના યુવાન શસ્ત્રવાહકને કહ્યું, “તારી તલવાર ખેંચીને મને આરપાર વીંધી નાખ, નહિ તો આ પરપ્રજાના પલિસ્તીઓ આવીને મારું અપમાન કરશે. પરંતુ તે યુવાન એમ કરતાં બહુ બીધો. તેથી શાઉલે પોતાની તલવાર લઈને તે પર પડતું મૂકાયું.

૧ કાળવૃત્તાંત 10:8

લડાઈને બીજે દિવસે પલિસ્તીઓ પડેલાં શબ ઉપરથી સાધનસરંજામ લૂંટી લેવા ગયા. તો તેમણે ગિલ્બોઆ પર્વત પર શાઉલ અને તેના પુત્રોના મૃતદેહ પડેલા જોયા.

દાનિયેલ 5:23

તમે આકાશના પ્રભુની વિરુદ્ધ વર્ત્યા છો. તેમના મંદિરમાંથી લાવવામાં આવેલા પ્યાલા અને વાટકાઓમાં તમે, તમારા ઉમરાવોએ, તમારી પત્નીઓ અને ઉપપત્નીઓએ દ્રાક્ષાસવ પીધો છે, અને જોઈ શકે નહિ, સાંભળી શકે નહિ કે કંઈ સમજી શકે નહિ એવાં સોના, ચાંદી, તાંબુ, લોખંડ, લાકડું અને પથ્થરમાંથી ઘડેલાં દેવદેવીઓની સ્તુતિ કરી છે. પણ જેમના હાથમાં તમારા જીવન-મરણનો નિર્ણય છે અને જે તમારાં સર્વ કાર્યોનું નિયંત્રણ કરે છે એવા ઈશ્વરને તમે માન આપ્યું નથી.

માથ્થી 14:11

થાળમાં માથું લાવવામાં આવ્યું અને છોકરીને આપવામાં આવ્યું. તે તેને પોતાની માતા પાસે લઈ ગઈ.