૧ કાળવૃત્તાંત 10:1 - પવિત્ર બાઇબલ C.L.

¹ પલિસ્તીઓએ ગિલ્બોઆ પર્વત પર ઈઝરાયલીઓ સામે યુદ્ધ કર્યું. ઘણા ઈઝરાયલીઓ ત્યાં માર્યા ગયા; જ્યારે બાકીના બધા નાસી છૂટયા.

પવિત્ર બાઇબલ OV Reference Bible (BSI)

¹ જ્યારે પલિસ્તીઓએ ઇઝરાયલની સામે યુદ્ધ કર્યું ત્યારે ઇઝરાયલના પુરુષો પલિસ્તીઓની અગળથી નાઠા, ને ગિલ્બોઆ પર્વત પર તેઓની કતલ થઈ.

ઇન્ડિયન રીવાઇઝ્ડ વર્ઝન ગુજરાતી - 2019

¹ હવે પલિસ્તીઓએ ઇઝરાયલની સામે યુદ્ધ કર્યું. ઇઝરાયલના પુરુષો પલિસ્તીઓની આગળથી નાસી ગયા, ગિલ્બોઆ પર્વત પર તેઓની કતલ થઈ.

પવિત્ર બાઈબલ

¹ પલિસ્તીઓ ઇસ્રાએલીઓ સામે ગિલ્બોઆના ડુંગર પર યુદ્ધે ચઢયા. ઘણા ઇસ્રાએલીઓ માર્યા ગયા અને બાકી રહ્યા તે ભાગી ગયા.

૧ કાળવૃત્તાંત 10:1 Iomraidhean Croise

૨ શમુએલ 1:21

ગિલ્બોઆના પર્વતો, તમારા પર વરસાદ કે ઝાકળ ન પડો. કારણ, તમારા રક્ષક્ષેત્ર પર લોહી રેડાયું છે. ત્યાં શૂરવીરોની ઢાલો ધૂળમાં રગદોળાઈને ઝાંખી પડી છે, શાઉલની ઢાલ પણ હવે તેલથી ચમક્તી નથી.

૨ શમુએલ 1:6

તેણે જવાબ આપ્યો, “સંજોગવશાત્, હું ગિલ્બોઆ પર્વત પર હતો. મેં જોયું તો શાઉલ રાજા પોતાના ભાલા પર અઢેલીને ઊભા હતા અને શત્રુના રથો અને ઘોડેસ્વારો તેમને ભીંસમાં લેવા આવી પહોંચ્યા હતા.

૨ શમુએલ 21:12

(તેઓ તે હાડકાં બેથશાનના જાહેર ચોકમાંથી ચોરી લાવ્યા હતા. જે દિવસે પલિસ્તીઓએ શાઉલને ગિલ્બોઆ પર્વત પર મારી નાખ્યો હતો તે દિવસે તેમણે તેમના શબ ત્યાં લટકાવ્યાં હતાં.)

૧ કાળવૃત્તાંત 10:8

લડાઈને બીજે દિવસે પલિસ્તીઓ પડેલાં શબ ઉપરથી સાધનસરંજામ લૂંટી લેવા ગયા. તો તેમણે ગિલ્બોઆ પર્વત પર શાઉલ અને તેના પુત્રોના મૃતદેહ પડેલા જોયા.

૧ કાળવૃત્તાંત 9:44

આસેલને છ પુત્રો હતા: આઝીકામ, બોખરું, ઇશ્માએલ, શાર્યા, ઓબાદ્યા અને હાનાન.

૧ શમુએલ 28:1

કેટલાક સમય બાદ પલિસ્તીઓનાં સૈન્ય ઇઝરાયલ સામે લડવાને એકત્ર થયાં અને આખીશે દાવિદને કહ્યું, “અલબત્ત, તું સમજે તો છે કે તારે અને તારા માણસોએ અમારે પક્ષે રહીને લડવાનું છે.”

૧ શમુએલ 28:4

પલિસ્તીઓનાં સૈન્યોએ એકઠાં થઈને શૂનેમ નગરમાં છાવણી કરી. શાઉલે ઇઝરાયલીઓને એકઠા કરીને ગિલ્બોઆ પર્વત પર છાવણી કરી.