Tito 2:8 - Nuevo Testamento Guaraní Pe

⁸ Eiporu ñee reta icavi vae, agüɨye vaera quia nemboeco nde rere vae re, jare oyovaicho nde ndive vae imara vaera, mbaeti etei mbae icavi mbae vae ipuere jei ndecotɨ rambue.

Biblia Guarani Tumpa Iñee

⁸ eiporu ñee reta ikavi vae, agüɨye vaerä kia ndemboeko rere vae re, oyovaicho ndekotɨ vae imara vaerä, agüɨye vaerä jei mbae ikavimbae vae ndekotɨ.

Tito 2:8 Iomraidhean Croise

San Marcos 12:17

—Pemee César pe César pegua —jei Jesús chupe reta—, jare pemee Tumpa pe Tumpa pegua —jei. Jare jae reta ipɨacañɨ yae jese.

San Marcos 12:28

Ou vi Jesús oia pe metei mboroócuai re oporomboe vae. Oendu oyoaca reta, jare oicuaa Jesús omombeu cavi co chupe reta. Jayave jae oparandu Jesús pe: —¿Mbae nunga mboroócuai pa co jae tenondegua vae? —jei.

San Marcos 12:32

Jayave mboroócuai re oporomboe vae jei Jesús pe: —Añete co, oporomboe vae. Icavi yae rere Tumpa meteiño co jare mbaeti ye iru.

San Marcos 12:34

Jare Jesús oendu yave jae jei jupi cavi vae, jei chupe: —Mbaeti jeta oata reyeócuai vaera Tumpa pe iporoocuaia pe. Jare mbaeti ma quia oipota oparandu chupe mbae re.

San Lucas 13:17

Jare cuae Jesús jei ma yave, opaete Jesús jovaicho reta imara. Echa opaete joco pe ñogüɨnoi vae reta oyerovia opaete Jesús oyapo vae re jare omboete Jesús.

2 Tesalonicenses 3:14

Jare oime yave quia cuae roicuatía peve peyapo vaera vae mbaeti oyapo vae, pemae cavi jese quia nunga co, jare agüɨye peñemoiru jae ndive, jae imara vaera.

1 Timoteo 5:14

Jae rambue aipota taɨrusu imemano vae reta omenda ye vaera. Icavi co imembɨ vaera jare oñangareco cavi vaera jo pegua reta re. Agüɨye toyapo mbae icavi mbae vae, agüɨye vaera oyovaicho Cristo ndive vae ipuere omboeco mbae re.

1 Timoteo 6:3

Güɨramoi iru vae oporomboeta ambué moromboe re, jare ngaraa güɨrovia moromboe añete vae, yepe tei moromboe añete vae co jae ñandeYa Jesucristo regua. Echa jocuae moromboe añete vae ñanemboe quirai yayeócuai vaera Tumpa pe.

Tito 3:14

Jare oporogüɨrovia vae reta toñemboe jecuaeño oyapo vaera icavi vae, ipuere vaera omborɨ mbae oata chupe vae reta. Echa jocorai oyapo reta yave, oyeocuaita co Tumpa pe.

1 Pedro 2:12

Peyapo icavi vae oporogüɨrovia mbae vae reta ipɨte pe. Echa jocorai peyapo yave, yepe tei jae reta jei icavi mbae vae pecotɨ, erei oechata icavi vae peyapo vae, jare jocuae jeco pegua omboete retata Tumpa, ou ovae yave ara Tumpa ojaa reta vaera.

1 Pedro 2:15

Mbaeti iyaracuaa vae reta jei icavi mbae vae pecotɨ, mbaeti pecuaa rambue. Jae rambue peyapo icavi vae agüɨye vaera ipuere reta jei jocorai. Echa cuae co jae Tumpa jemimbota.

1 Pedro 3:16

Agüɨye peyapo mbae peicuaa agüɨyeta tei peyapo vae. Jocorai yave, iru vae reta jei yave icavi mbae vae pecotɨ, imarata co yapu peré vae re. Echa oicuaata quirai peyapo icavi vae Cristo re perovia rambue.