San Mateo 6:1 - Nuevo Testamento Guaraní Pe

¹ Jupi vae peyapo yave, agüɨye peyapo opaete vae jovaque jae reta oecha vaeraño. Echa peyapo yave opaete vae jovaque, peRu ara pe oi vae ngaraa omee peve mbae jocuae jupi vae peyapo vae jeco pegua —jei—.

Biblia Guarani Tumpa Iñee

¹ Peipota peyapo ikavi vae Tumpa pemboete vaerä yave, agüɨye peyapo opaete vae jovake jae reta oecha vaeräño. Echa peyapo yave opaete vae jovakeño, peRu ara pe oï vae, ngaraa mbae omee peve jókuae jupi vae peyapogüe re.

San Mateo 6:1 Iomraidhean Croise

San Mateo 16:27

Echa che cuimbaera ayeapo vae ayu yeta cheRu imaemboete reve araɨgua cheve oyeócuai vae reta ndive. Jare jayave ameeta opaete vae pe oyapo vae rupi —jei—.

San Mateo 16:6

Jare Jesús jei chupe reta: —Peñeandu fariseo reta jare saduceo reta ilevadura güi.

San Mateo 23:13

Jayave Jesús jei mboroócuai re oporomboe vae reta jare fariseo reta pe: —Pe reta co jae mboroócuai re oporomboe vae reta jare fariseo reta. Peiporarata co. Pe reta co jae oporombotavɨ vae reta. Echa pe reta peyopia iru vae reta agüɨye vaera oique mboroocuaia ara pegua pe. Pe reta etei mbaeti peique. Iru vae reta oipota tei oique, erei pe reta peyopia reta agüɨye vaera oique —jei—.

San Mateo 23:5

Mboroócuai re oporomboe vae reta jare fariseo reta mbae oyapo yave, oipota iru vae reta oecha vaera. Echa jae reta oñono iyee Tumpa iñee jɨru tuicha yae vae jare oyapo jemimonde ipucu yae —jei—.

San Mateo 25:40

Jayave che jaeta chupe reta: Añete che jae peve, jocorai peyapo cherɨvɨ reta pe, yepe tei oñereroɨrouca. Jare jocorai peyapo yave, peyapo co cheve vi —jaeta, jei—.

San Mateo 5:16

Mechero omee ñandeve tembipe. Jae ramiño vi pe reta peico cavi iru vae reta jovaque, jae reta oicuaa vaera pe reta peyapo co icavi vae. Echa jocorai yave, omboete retata peRu ara pe oi vae —jei—.

San Mateo 5:46

Echa peaɨu yave peraɨu vae retaño, jocuae mbaeti etei co mbae icavi vae. Jae rambue Tumpa ngaraa omee peve mbae jocuae jeco pegua. Echa mburuvicha peguara ocovara vae reta vi oyapo jocorai —jei—.

San Mateo 5:48

Jae rambue jecuaeño peyapo icavi vae. Echa peRu ara pe oi vae jecuaeño oyapo icavi vae —jei—.

San Mateo 6:16

Peyecuacu tembíu güi yave, agüɨye peyapo oporombotavɨ vae reta oyapo rami. Echa jae reta oyecuacu tembíu güi yave, oyecuaa ipɨatɨtɨ yae, iru vae reta oicuaa vaera oyecuacu co ñogüɨnoi tembíu güi. Añete che jae peve, jae reta güɨnoi ma imbaera jocorai oyapo rambue —jei—.

San Mateo 6:9

Jae rambue peyerure Tumpa pe corai: OreRu ara pe oi vae, toñemboeteuca nderee.

San Marcos 8:15

Jare Jesús jei chupe reta: —Peñeandu fariseo reta jare Herodes ilevadura güi.

San Lucas 11:35

Jae rambue eñeandu agüɨye vaera nderete tɨnɨe pɨtumimbi pe. Echa tɨnɨeta tei tembipe pe —jei—.

San Lucas 12:1

Jare jeta yae vae oñemboatɨ Jesús oia pe, jare oñomoañaaña. Jayave Jesús jei jemimboe reta pe rani: —Peñeandu fariseo reta güi. Echa jae reta oporombotavɨ vae reta co. Jare tavɨ ipuere oñemoai levadura rami —jei—.

San Lucas 12:15

Jayave Jesús jei opaete vae pe: —Peñeandu agüɨye vaera peipota iru vae reta imbaembae. Echa mbaetita yaico cavi jeta mbaembae ñanoi vae jeco peguaño —jei.

San Lucas 16:15

Jayave Jesús jei chupe reta: —Pe reta peñembojupi iru vae reta jovaque. Erei Tumpa oicuaa pepɨa pe oi vae. Jare yepe tei iru vae reta pemboete yae, erei Tumpa oicuaa peyapo vae icavi mbae yae co —jei—.

San Juan 12:43

Echa jae reta oipota yae japicha reta omboete vaera Tumpa omboeteuca vaera güi.

San Juan 5:44

Mbaeti etei pepuere peporogüɨrovia. Echa jecuaeño pe reta peñomboete, erei mbaeti peipota maemboete Tumpa oipota tei penoi vaera vae. Tumpa co jae meteiño —jei Jesús—.

Hechos 3:12

Jayave Pedro oecha yave, jei tenta pegua reta pe: —Cuimbae Israel pegua reta, ¿maera pa pepɨacañɨ cuae re? ¿Maera pa pemae ngatu oreré? ¿Peñemongueta pa ore aeño royapo oguata vaera cuae cuimbae orembaepuere rupi ani jupi vae royapo rambue? Mbaeti co jocorai —jei—.

Gálatas 6:12

Oipota oñemboeteuca iru vae reta pe vae reta oipota yae peñemocircuncidauca vaera, agüɨye vaera iru vae reta oyapo icavi mbae vae chupe reta Cristo icurusu jeco pegua.

Hebreos 11:26

Echa Moisés güɨrovia icavi yae chupe oñereroɨrouca vaera Cristo jeco pegua opaete corepoti Egipto pe oi vae güɨnoi vaera güi. Echa oicuaa icavi yae co Tumpa omeeta chupe vae opaete corepoti Egipto pe oi vae güi.

Hebreos 2:1

Jae rambue icavi co ñaneratangatu yae vaera yayeapɨsaca jese vae re, agüɨye vaera yapia chugüi.

Hebreos 6:10

Oyecuaa quirai peaɨu Tumpa. Peicuauca peporoaɨu co peyapo vae rupi. Echa jecuaeño peyeócuai iru oñeñono tee Tumpa peguara vae reta pe. Tumpa ngaraa iñacañɨ peyapogüe vae güi. Echa iñacañɨ chugüi yave, mbaetita tei jupi.

2 Juan 1:8

Yaparavɨquɨ ma tanta ñanoi vaera Tumpa omeeta ñandeve vae. Jae rambue peñeandu, agüɨye vaera pemocañɨ. Aipota penoi vaera opaete Tumpa oipota penoi vaera vae.