San Mateo 4:7 - Nuevo Testamento Guaraní Pe

⁷ Jayave Jesús jei chupe: —Tumpa iñee pe oyecuatía oi corai: Che co jae ndeYa Tumpa. Agüɨye mbae eyapo reicuaa vaera tuicha ra chepɨaguasu. Jocorai oyecuatía oi —jei.

Biblia Guarani Tumpa Iñee

⁷ Jayave Jesús jei chupe: —Tumpa Iñee pe oyekuatía vi oï körai: “Agüɨye ejäa ndeYa Tumpa ipɨaguasu.”

San Mateo 4:7 Iomraidhean Croise

San Mateo 21:16

Jayave jei reta Jesús pe: —¿Reendu pa cuae reta jei vae? Jayave Jesús jei chupe reta: —Aendu co. ¿Mbaeti pa pemongueta cuae Tumpa iñee pe oyecuatía oi vae? Nde remee michia reta jare ocambu vɨteri vae reta pe nemboete vaera. Jocorai oyecuatía oi —jei.

San Mateo 21:42

Jayave Jesús jei chupe reta: —¿Mbaeti pa pemongueta cuae Tumpa iñee pe oyecuatía oi vae? Ita o iyapoa reta omombo vae oyeapo ma ita tenondegua vae. ÑandeYa oyapo cuae. Yaecha ma, jare ñanepɨacañɨ jese. Jocorai oyecuatía oi —jei—.

San Mateo 4:10

Jayave Jesús jei chupe: —Ecua chegüi, Satanás. Echa Tumpa iñee pe oyecuatía oi corai: Che co jae ndeYa Tumpa. Chemboete. Jaeño cheporoócuai eyapo. Jocorai oyecuatía oi —jei.

San Mateo 4:4

Erei Jesús jei chupe: —Tumpa iñee pe oyecuatía oi corai: Icavi co ɨvɨ pegua reta jou vaera mbɨyape güɨnoi vaera tecove. Erei icavi yae co oyeapɨsaca vaera Tumpa iñee re jare oyapo vaera jeigüe güɨnoi vaera tecove opa mbae vae. Jocorai oyecuatía oi —jei.

San Lucas 4:12

Jayave Jesús jei chupe: —Tumpa iñee pe oyecuatía oi corai: Che co jae ndeYa Tumpa. Agüɨye mbae eyapo reicuaa vaera tuicha ra chepɨaguasu. Jocorai oyecuatía oi —jei.

Hechos 15:10

Jayave ¿maera pa peipota pemboavai Tumpa? Echa mboroócuai metei voɨta rami. Pe reta peipota pembovoɨta jocuae oporogüɨrovia vae reta. Erei ñanetenondegua reta jare ñande vi mbaeti ñandepuere yavoɨ —jei—.

Hechos 5:9

—¿Maera pa pe reta peñomboemboe pemboavai vaera ñandeYa iEspíritu? —jei Pedro chupe—. Co onque pe ma yogüeru neme iñotɨa reta. Jae reta ndererajata vi —jei.

1 Corintios 10:9

Agüɨye vi yayapo icavi mbae vae yaicuaa vaera tuicha ra ñandeYa ipɨaguasu. Echa jocorai oyapo amogüe jae reta, jare Tumpa oyucauca mboi reta pe.