San Mateo 15:10 - Nuevo Testamento Guaraní Pe

¹⁰ Jare Jesús oeni opaete joco pe ñogüɨnoi vae reta. —Peyeapɨsaca cuae re, peicuaa cavi vaera —jei—.

Biblia Guarani Tumpa Iñee

¹⁰ Jare Jesús oenɨi ikotɨ jeta vae reta, jare jei chupe reta: —Peyeapɨsaka, peikuaa kavi vaerä.

San Mateo 15:10 Iomraidhean Croise

San Mateo 13:19

Oime yave quia oyeapɨsaca Tumpa iporoocuaia re vae, mbaeti yave oicuaa cavi oendu vae, ou voi jocuae icavi mbae vae jare omoacañɨ Tumpa iñee güi. Amojaanga cuae nunga re temitɨ tape rupi oa vae —jei—.

San Mateo 15:11

Oipotagüe mbae peu vae mbaeti ipuere omonguɨa pepɨa. Jocuae pere vae omonguɨa pepɨa —jei.

San Mateo 15:9

Chemboete-raangaiño. Oporomboe cuimbae iporoócuai re. Che mbaeti jocorai aporoócuai —jei. Jocorai jei Isaías —jei.

San Mateo 24:15

Jare peechata icavi mbae vae opaete güɨrocomegua vae oñemboɨ oi o oñeñono tee Tumpa peguara vae pe. Tumpa iñee aracae omombeu vae Daniel jei oimeta co joco pe —jei—.

San Lucas 24:45

Jayave omee chupe reta oicuaa cavi vaera Tumpa iñee oyecuatía oi vae.

Efesios 1:17

Tumpa tomee peve aracuaa Espíritu Santo rupi, jare toicuauca peve mbaembae, peicuaa cavi vaera Tumpa regua. Tumpa co jae ñandeYa Jesucristo oicuauca ñandeve vae. Jae co ñandeRu oñemboeteuca vae.

Colosenses 1:9

Jae rambue ore vi cuae roendu güive, jecuaeño royerure peré. Royerure Tumpa pe, jae oicuauca cavi vaera peve jemimbota. Tumpa tomee peve opaete aracuaa Espíritu pegua, peicuaa cavi vaera jemimbota.

Santiago 1:5

Oime yave quia aracuaa oata chupe vae, toyerure Tumpa pe jese. Echa Tumpa oipota yae omee aracuaa metei ñavo pe. Ngaraa oñeengata quia pe mbaeti aracuaa güɨnoi rambue. Omeeta co aracuaa chupe.