San Lucas 8:6 - Nuevo Testamento Guaraní Pe

⁶ Iru temitɨ oa mbovɨño ɨvɨ ita guasu iárambue oia pe. Erei oe rupive, ipiru, jocuae ɨvɨ mbaeti ñaquɨ rambue —jei—.

Biblia Guarani Tumpa Iñee

⁶ Mbovɨ temitɨ oa ita pɨte rupi. Ërei oë rupive, ipiru, echa ɨvɨ mbaetɨ ñäkɨ ngatu.

San Lucas 8:6 Iomraidhean Croise

San Lucas 8:13

Jae ramiño vi jocuae temitɨ oñeotɨ mbovɨño ɨvɨ ita guasu iárambue oia pe vae oñemojaanga iru Tumpa iñee oendu vae reta re. Jae reta oendu rupive, güɨrovia oyerovia reve. Erei cuae reta jocuae temitɨ japo mbaeti icavi vae rami co. Echa michi peguaño güɨrovia ñee. Erei mbaesusere oyeapo chupe yave, mbaeti ma oipota oyeapɨsaca Tumpa iñee re —jei—.

San Lucas 8:5

—Metei cuimbae ojo omaetɨ vaera. Omaetɨ yave, omoai temitɨ, jare amogüe oa tape rupi. Jayave iru vae reta opɨro temitɨ re jare güɨra reta jou vi —jei—.

San Lucas 8:7

Iru temitɨ oa ñanapɨte pe. Ñana ocuacuaa yave, ombopɨtupa temitɨ —jei—.

Hebreos 3:15

Pemaendúa cuae Tumpa iñee pe oyecuatía oi vae re: Cuae ara peyeapɨsaca cheñee re —jei Espíritu Santo—. Jae rambue agüɨye peñemopɨatanta. Echa petenondegua reta oñemopɨatanta rambue, chearasɨ chupe reta. Jocorai oyecuatía oi.