San Lucas 24:19 - Nuevo Testamento Guaraní Pe

¹⁹ —¿Mbae pa? —jei chupe reta. —Jesús Nazaret pegua pe oyeapo vae —jei reta chupe—. Jae co metei Tumpa iñee omombeu vae. Oyapo jeta mbae icavi vae mbaepuere reve, jare icavi yae oporomboe. Oyeócuai cavi Tumpa pe jare opaete tenta pegua reta omboete —jei reta Jesús pe—.

Biblia Guarani Tumpa Iñee

¹⁹ Jayave jae jei chupe reta: —¿Mbae pa? Jare jae reta jei chupe: —Jesús Nazaret-ɨgua pe oyeapo vae. Jae ko metei ñeemombeúa, imbaepuere yae mbae oyapo vaerä jare ñee pe Tumpa jóvai jare opaete vae reta jóvai.

San Lucas 24:19 Iomraidhean Croise

San Mateo 21:11

Jare jeta vae jei: —Cuae co jae Jesús. Jae co metei Tumpa iñee omombeu vae Nazaret pegua. Nazaret Galilea pegua co —jei reta.

San Marcos 1:24

—¿Maera pa reyu oremambeco, Jesús Nazaret pegua? ¿Reyu pa oremboai vaera? Che rocuaa. Nde co jae jupi vae. Nde reyu co Tumpa güi —jei.

San Lucas 24:18

Jare metei Cleofas jee vae oparandu Jesús pe: —¿Mbaeti pa reico Jerusalén pe? ¿Mbaeti pa reicuaa cuae ara reta pe opaete oyeapo vae? —jei.

San Lucas 7:16

Jayave opaete vae oquɨye yae. Omboete reta Tumpa. Jei reta: —Metei Tumpa iñee omombeu vae ipuere yae vae ou ma ñandepɨte pe. Tumpa ombou ñandeve ñanderaɨu rambue. Echa ñande co jae imbae reta —jei reta.

San Juan 3:2

Cuae cuimbae ou Jesús oia pe pɨtu yave jare jei chupe: —Rabí, roicuaa co Tumpa nembou reporomboe vaera. Echa mbaeti quia ipuere oyapo jocuae nunga mɨacañɨ reyapo vae Tumpa mbaeti yave oi jae ndive —jei.

San Juan 4:19

—Carai —jei cuña—, añave aicuaa nde co jae metei Tumpa iñee omombeu vae —jei—.

San Juan 6:14

Jare joco pe ñogüɨnoi vae reta oecha ma yave cuae mɨacañɨ Jesús oyapo vae, jei reta: —Cuae cuimbae jocuae Tumpa iñee omombeu vae etei co. Echa Tumpa iñee pe oyecuatía oi outa co ɨvɨ pe —jei reta.

San Juan 7:52

Iru reta jei chupe: —¿Nde vi ra Galilea pegua? Reeca yave, reicuaata mbaeti co metei ave Tumpa iñee omombeu vae Galilea pegua —jei reta.

Hechos 2:22

Pedro jei ye chupe reta: —Cuimbae Israel pegua reta, peyeapɨsaca cuae re. Tumpa oyapouca pepɨte pe mɨacañɨ reta Jesús Nazaret pegua pe. Jocorai Tumpa oechauca peve Jesús añete vae co. Cuae peicuaa catu co pe reta —jei—.

Hechos 7:22

Jare Moisés oñemboe opaete aracuaa Egipto pegua re, jare imiari cavi jare jatangatu yae —jei Esteban chupe reta—.