San Lucas 18:34 - Nuevo Testamento Guaraní Pe

³⁴ Erei Jesús jemimboe reta mbaeti oicuaa mbae ra oipota jei cuae Jesús jei chupe reta vae. Yavai yae chupe reta oicuaa vaera mbae jei vae.

Biblia Guarani Tumpa Iñee

³⁴ Ërei jemimboe reta mbaetɨ etei oikuaa mbae ra oipota jei chupe reta vae. Echa jókuae ñee reta oñeomi oï chugüi reta. Yavai yae chupe reta oikuaa vaerä mbae ra oipota jei vae.

San Lucas 18:34 Iomraidhean Croise

San Marcos 9:32

Erei jae reta mbaeti oicuaa mbae re ra Jesús jei chupe reta, jare oipoɨu reta oparandu vaera chupe jese.

San Lucas 18:33

Jayave chenupata chicote pe jare cheyucata. Erei mboapɨ ara rupi aicove yeta ayu omanogüe vae reta ipɨte güi —jei.

San Lucas 2:50

Erei jae reta mbaeti oicuaa mbae oipota jei Jesús jei chupe reta vae.

San Lucas 24:25

Jayave Jesús jei chupe reta: —Pe reta co jae mbaeti iyaracuaa vae reta rami. Yavai co oi peve perovia vaera opaete Tumpa iñee aracae omombeu vae reta oicuatiagüe vae —jei—.

San Lucas 24:45

Jayave omee chupe reta oicuaa cavi vaera Tumpa iñee oyecuatía oi vae.

San Lucas 9:45

Erei jae reta mbaeti oicuaa mbae Jesús jei chupe reta vae, jare oipoɨu reta oparandu vaera chupe jese.

San Juan 10:6

Cuae ñee omojaanga vae pe Jesús omboe reta tei, erei jae reta mbaeti oicuaa mbae re ra omojaanga cuae jei chupe reta vae.

San Juan 12:16

Jocuae ara Jesús jemimboe reta mbaeti oicuaa cavi cuae regua. Erei Jesús ojo ye ma ara pe yave, imaendúa cuae re. Echa jocorai Tumpa iñee pe oyecuatía oi jese, jare jocorai jae oyapo.