San Lucas 13:15 - Nuevo Testamento Guaraní Pe

¹⁵ Erei ñandeYa jei chupe: —Pe reta co jae oporombotavɨ vae reta. Pe reta metei ñavo peyora pegüeye jare pemburica jenda güi mbutuu iara pe peraja vaera pemboɨu —jei—.

Biblia Guarani Tumpa Iñee

¹⁵ Jayave yandeYa jei chupe: —Jova mókoi vae reta. ¿Pe reta peyoraä pa peraja pemboɨu pegüeye ani pemburika ara mbutuu pe?

San Lucas 13:15 Iomraidhean Croise

San Mateo 15:14

Pemaeño jese reta. Echa jae reta jesa mbae vae reta oechauca ñogüɨnoi tape iru jesa mbae vae reta pe vae rami co. Jare jesa mbae vae oechauca yave tape iru jesa mbae vae pe, mócoi reve oasavita ɨvɨcua pe —jei.

San Mateo 15:7

Pe reta co jae oporombotavɨ vae reta. Añete yepe Isaías imiari pe reta re. Echa jae jei corai:

San Mateo 23:13

Jayave Jesús jei mboroócuai re oporomboe vae reta jare fariseo reta pe: —Pe reta co jae mboroócuai re oporomboe vae reta jare fariseo reta. Peiporarata co. Pe reta co jae oporombotavɨ vae reta. Echa pe reta peyopia iru vae reta agüɨye vaera oique mboroocuaia ara pegua pe. Pe reta etei mbaeti peique. Iru vae reta oipota tei oique, erei pe reta peyopia reta agüɨye vaera oique —jei—.

San Mateo 23:28

Jae ramiño vi iru vae reta oñemongueta tei pe reta co jae jupi vae reta, erei pepɨa tɨnɨe tavɨ jare icavi mbae vae pe —jei—.

San Mateo 7:5

Nde co jae oporombotavɨ vae. Eequi rani ɨtɨ tuicha vae nderesa güi. Jayave remae cavita ndepuere vaera reequi ɨtɨ michi vae neiru jesa güi —jei—.

San Lucas 12:1

Jare jeta yae vae oñemboatɨ Jesús oia pe, jare oñomoañaaña. Jayave Jesús jei jemimboe reta pe rani: —Peñeandu fariseo reta güi. Echa jae reta oporombotavɨ vae reta co. Jare tavɨ ipuere oñemoai levadura rami —jei—.

San Lucas 14:5

Jayave Jesús jei ye joco pe ñogüɨnoi vae reta pe: —Pemburica ani pegüeye oasavi yave metei ɨvɨcua pe mbutuu iara pe, jupivei peo penoe joco güi —jei.

San Lucas 6:42

Ngaraa ndepuere rere neiru pe: Cherɨvɨ, taequi nderesa güi jocuae ɨtɨ michi vae. Echa nde renoi ɨtɨ tuicha vae nderesa pe. Nde co jae oporombotavɨ vae. Eequi rani ɨtɨ tuicha vae nderesa güi. Jayave remae cavita ndepuere vaera reequi ɨtɨ michi vae neiru jesa güi —jei—.

San Lucas 7:13

Jare ñandeYa oecha yave cuña, oiparareco jare jei chupe: —Agüɨye eyaeo.

San Lucas 7:19

Jayave Juan oeni mócoi jemimboe reta jare ombou ñandeYa oia pe jei vaera chupe: —¿Nde pa co Cristo outa vae? ani ¿roarota pa iru vae ou vaera?