San Juan 9:5 - Nuevo Testamento Guaraní Pe

⁵ Cuae ɨvɨ pe aico rambueve, che co jae metei tembipe rami. Ayu co ɨvɨ pegua reta oecha cavi vaera —jei.

Biblia Guarani Tumpa Iñee

⁵ Kuae ɨvɨ pe aï ramboeve, che ko tembipe ɨvɨ peguarä.

San Juan 9:5 Iomraidhean Croise

San Mateo 4:16

Pɨtumimbi pe yogüɨreco vae reta oecha ma tembipe tuicha vae. Mano icuaraɨa pe yogüɨreco vae reta pe oyecuaa tembipe. Jocorai jei.

San Mateo 5:14

Pe reta co jae metei mechero ɨvɨ pegua reta pe tembipe omee vae rami. Yayapo yave tenta metei ɨvɨtɨ re, mbaeti etei ñandepuere ñañomi. Opaete vae ipuere oecha —jei—.

San Lucas 2:32

Jae co metei tembipe rami. Oime tembipe yave yaecha cavi mbaembae. Jae ramiño vi jae ndecuauca cavita judío mbae vae reta pe. Jare Israel pegua reta oñemboeteucata jae jeco pegua. Echa Israel pegua reta nembae reta co —jei.

San Juan 12:46

Ayu ɨvɨ pe amee vaera tembipe ɨvɨ pegua reta pe, agüɨye vaera cheré güɨrovia vae opɨta pɨtumimbi pe —jei—.

San Juan 8:12

Cuae jaɨcue rupi Jesús jei yatɨ vae reta pe: —Che co jae metei tembipe rami. Ayu co ɨvɨ pegua reta oecha cavi vaera. Oico che ndive vae ngaraa oguata pɨtumimbi pe. Echa güɨnoita tecove ipuere vaera oecha cavi —jei.

Hechos 13:47

Echa ñandeYa oreócuai corai: Pomondo judío mbae vae reta pe, peraja vaera tembipe chupe reta, jare pemombeu vaera opaete ɨvɨ pegua reta pe Tumpa omboasata co. Jocorai oreócuai —jei reta.

Hechos 26:18

remomae reta vaera, jare oyerova reta vaera pɨtumimbi güi tembipe cotɨ, jare Satanás güi Tumpa cotɨ. Cuae oyapo reta yave, Tumpa iñɨrota chupe reta imbaeyoa reta re cheré güɨrovia rambue, jare omeeta chupe reta imbaera iru oñeñono tee Tumpa peguara vae reta ndive —jei, jei—.

Hechos 26:23

Echa jae reta jei Cristo oiporarañotai co, jare jae tenonde oicove yeta co ou omanogüe vae reta ipɨte güi, oechauca vaera tembipe judío reta jare judío mbae vae reta pe —jei Pablo chupe reta.

Efesios 5:14

Jae rambue Tumpa jei oque vae pe corai: Eicove mo. Eicove ye metei ou omanogüe vae reta ipɨte güi vae rami. Cristo tomee ndeve tembipe. Jocorai jei.

Apocalipsis 21:23

Jare tenta pegua reta mbaeti omonesesita cuaraɨ jare yasɨ oesape vaera. Echa Tumpa imaemboete oesape jocuae tenta pe, jare Vecha-raɨ jocuae tenta pegua reta jembipe co.