San Juan 9:30 - Nuevo Testamento Guaraní Pe

³⁰ —Cuae co metei mɨacañɨ —jei cuimbae—. Pe reta mbaeti peicuaa quia pegua ra. Erei jae chemomae.

Biblia Guarani Tumpa Iñee

³⁰ Kuimbae jei chupe reta: —Mɨakañɨ aipo kuae. Pe reta mbaetɨ peikuaa kia pegua ko vae. Ërei jae chembogüera.

San Juan 9:30 Iomraidhean Croise

San Mateo 11:5

Jesa mbae vae reta omae. Mbaeti ipuere oguata vae reta oguata. Ipire ocúi vae reta ocuera. Iyapɨsa mbae vae reta oendu. Omanogüe vae reta oicove ye. Paravete vae reta oyeapɨsaca ñee icavi vae re —jei—.

San Mateo 21:42

Jayave Jesús jei chupe reta: —¿Mbaeti pa pemongueta cuae Tumpa iñee pe oyecuatía oi vae? Ita o iyapoa reta omombo vae oyeapo ma ita tenondegua vae. ÑandeYa oyapo cuae. Yaecha ma, jare ñanepɨacañɨ jese. Jocorai oyecuatía oi —jei—.

San Marcos 6:6

Jare Jesús ipɨacañɨ jese reta, jae reta mbaeti güɨrovia jese rambue. Jayave Jesús ojo oporomboe iru tenta jocoropi ñogüɨnoi vae reta pe.

San Lucas 7:22

Jayave Jesús jei Juan ombou chupe vae reta pe: —Pecua ye pemombeu Juan pe peecha jare peendu vae. Jesa mbae vae reta ipuere ma omae. Mbaeti ipuere oguata vae reta ipuere ma oguata. Ipire ocúi vae reta ocuera ma. Iyapɨsa mbae vae reta ipuere ma oendu. Omano vae reta oicove ye. Paravete vae reta oyeapɨsaca ñee icavi vae re —jei—.

San Juan 12:37

Erei yepe tei Jesús oyapo jeta mɨacañɨ reta jae reta jovaque oicuauca vaera tei chupe reta quia co jae, erei jae reta mbaeti güɨrovia jese,

San Juan 3:10

Jesús oparandu Nicodemo pe: —¿Mbaeti pa reicuaa cuae? Echa nde co jae Israel pegua reta omboe vae —jei—.

San Juan 9:29

Ore roicuaa Tumpa imiari co Moisés pe. Erei mbaeti roicuaa quia pegua ra cuae cuimbae —jei reta.

San Juan 9:31

Yaicuaa Tumpa mbaeti oyeapɨsaca iyoa vae reta re. Erei oime yave quia omboete Tumpa jare oyapo Tumpa jemimbota vae, Tumpa oyeapɨsaca jese —jei—.

2 Corintios 4:6

Echa opaete pɨtumimbi yave, Tumpa jei tove toi tembipe. Jae ramiño vi Tumpa omboesape orepɨa pe metei tembipe rami, roicuaa vaera quirai jae oñemboeteuca yae. Tumpa imaemboete oyecuaa Jesucristo rupi.