San Juan 6:64 - Nuevo Testamento Guaraní Pe

⁶⁴ Erei amogüe pe reta mbaeti perovia cheré —jei. Echa Jesús oicuaa iyɨpɨ güive quia reta mbaeti güɨrovia jese jare quia omoeterengata jovaicho reta pe.

Biblia Guarani Tumpa Iñee

⁶⁴ Ërei amogüe pegüi reta mbaetɨ perovia cheré. Echa Jesús oikuaa iyɨpɨ güive kia reta mbaetɨ güɨrovia jese jare kia ko omeeta jovaicho reta pe vae.

San Juan 6:64 Iomraidhean Croise

San Mateo 10:4

Simón (jae co metei cananita), jare Judas Iscariote (cuae cuimbae omoeterenga Jesús jovaicho reta pe).

San Juan 10:26

Amombeu ma peve pe reta mbaeti co chevecha reta. Jae rambue mbaeti perovia cheré.

San Juan 18:4

Jayave Jesús ojo jae reta cotɨ jare jei: —¿Quia pa peeca? Echa jae oicuaa ma mbae oyeapota chupe vae.

San Juan 5:42

Echa aicuaa pe reta mbaeti peaɨu Tumpa pepɨa pe —jei—.

San Juan 6:36

Erei che jae ma peve corai: Mbaeti perovia, yepe tei cherecha ma.

San Juan 6:60

Cuae oendu reta yave, jeta Jesús jemimboe reta jei oyoupe: —Mbaeti co icavi cuae jei vae. Agüɨye yayeapɨsaca cuae nunga ñee re —jei reta.

San Juan 6:61

Jesús oicuaa jemimboe reta iñeenguru co icotɨ. Jayave jei chupe reta: —¿Maera pa peñeenguru checotɨ cuae re?

San Juan 6:66

Cuae jaɨcue rupi jeta jemimboe reta yogüɨraja ye Jesús güi, jare mbaeti ye yogüɨraja jae ndive.

San Juan 8:23

Jayave Jesús jei: —Pe reta ɨvɨ pegua reta co, erei che ara pegua co. Pe reta ɨvɨ pegua reta co, erei che mbaeti co cuae ɨvɨ pegua.

San Juan 8:55

Erei pe reta mbaeti peicuaa Tumpa. Che aicuaa co. Che jae yave: “Mbaeti aicuaa”, cheaputa tei co pe reta peapu rami. Erei aicuaa co, jare ayapo jei cheve ayapo vaera vae —jei—.

Hechos 15:18

Che aicuauca cuae aracae güive —jei ñandeYa. Jocorai oyecuatía oi —jei chupe reta—.

Romanos 8:29

Echa iyɨpɨ güive Tumpa ñandecuaa. Jae ramiño vi iyɨpɨ güive Tumpa ñandeparavo ñande yayeapo vaera Taɨ rami, jare Taɨ oico vaera tenondeguara opaete Tumpa taɨ reta ndive.

2 Timoteo 2:19

Erei Tumpa iñemongueta mbaeti etei oyepoepɨ. Yaicuaa cuae Tumpa iñee pe oyecuatía oi vae rupi. Echa oyecuatía oi corai: “ÑandeYa oicuaa imbae reta”. Jare: “Metei ñavo che co jae Cristo imbae jei vae agüɨye toyapo jupi mbae vae”. Jocorai oyecuatía oi.

Hebreos 4:13

Mbaeti mbae Tumpa oyapogüe vae ipuere oñemi Tumpa güi. Echa jae oecha jare oicuaa opaete regua. Jare jae ñaneraata opaete yayapo vae re.