San Juan 5:16 - Nuevo Testamento Guaraní Pe

¹⁶ Jare Jesús oyapo ma amogüe cuae nunga mɨacañɨ mbutuu iara pe. Cuae jeco pegua judío reta oipota oyapo icavi mbae vae chupe. Oipota vi oyuca.

Biblia Guarani Tumpa Iñee

¹⁶ Kuae jeko pegua judío reta oipota oyapo ikavimbae vae Jesús pe. Oipota vi oyuka. Echa jae oyapo amogüe kuae nunga mɨakañɨ reta ara mbutuu pe.

San Juan 5:16 Iomraidhean Croise

San Mateo 12:13

Jayave jei cuimbae pe: —Eupi ndepo. Jayave cuimbae oupi, jare ipo ocuera cavi ma. Oyovaque ma iporovaicho ipo icavi vae ndive.

San Marcos 3:6

Jayave fariseo reta oe judío reta itupao güi, jare oñomomiari voi herodiano reta ndive Jesús re, quiraita ra oyucauca.

San Lucas 6:11

Jayave mboroócuai re oporomboe vae reta jare fariseo reta pochɨ yae Jesús pe jare oñomomiari mbae ra oyapota Jesús pe.

San Juan 1:19

Metei ara yogüɨraja ovae Juan oia pe sacerdote reta jare levita reta. Jerusalén pegua judío reta omondo cuae reta chupe. Jae reta jei Juan pe: —¿Quia pa co nde?

San Juan 10:39

Jayave judío reta oipota ye tei oipɨɨ Jesús, erei jae ojo chugüi reta.

San Juan 15:20

Pemaendúa cuae che jae peve vae re: “Metei tembiócuai mbaeti oyócuai iya mbae oyapo vaera”. Echa oporogüɨrovia mbae vae reta oyapo yave icavi mbae vae cheve, oyapota icavi mbae vae peve vi. Oyapo reta yave che jae chupe oyapo vaera vae, oyapota pe reta pere chupe oyapo vaera vae vi —jei—.

San Juan 5:10

Jayave judío reta jei cuimbae ocuera ma vae pe: —Cuae ara mbutuu iara co. Mbaeti jupi revoɨ vaera nderupa mbutuu iara pe —jei reta.

San Juan 5:13

Erei ocuera vae - tenonde yave mbaeti ipuere oguata vae - mbaeti oicuaa. Echa jeta yae vae joco pe ñogüɨnoi jare Jesús ojo ma joco güi.

San Juan 5:15

Jayave cuimbae ojo omombeu judío reta pe Jesús co jae ombogüera ma vae.

San Juan 5:17

Erei Jesús jei chupe reta: —CheRu jecuae oparavɨquɨ, jare che vi aparavɨquɨ.

San Juan 5:18

Cuae jeco pegua judío reta oipota yae oyuca Jesús. Echa Jesús oyapo mbutuu iara pe jae reta jei mbaeti jupi oyeapo vaera vae, jare Jesús imiari yave, jei: “Tumpa etei co cheRu”, jare cuae oipota jei jae vi co Tumpa etei.

San Juan 7:21

—Ayapo ma metei mbaravɨquɨ —jei Jesús—, jare opaete pe reta pepɨacañɨ jese.

San Juan 7:25

Jae rambue amogüe Jerusalén pegua reta jei: —¿Jaea ra cuae judío reta oipota oyuca vae?