San Juan 21:17 - Nuevo Testamento Guaraní Pe

¹⁷ Jesús jei ye chupe mboapɨa re: —¡Simón, Jonás taɨ! ¿Cheraɨu pa? Pedro ipɨatɨtɨ. Echa mboapɨ vese ma Jesús jei chupe: “¿Cheraɨu pa?” Jayave jei ye: —CheYa. Nde reicuaa opaete. Nde reicuaa che roaɨu co. —Emongaru chevecha reta —jei Jesús chupe—.

Biblia Guarani Tumpa Iñee

¹⁷ Jesús jei ye chupe mboapɨa ma: —Simón, Jonás taɨ, ¿cheraɨu pa? Pedro ipɨatɨtɨ. Echa mboapɨa ma Jesús jei chupe: “¿Cheraɨu pa?” Jayave jei ye: —CheYa, nde reikuaa opaete. Nde reikuaa ko che roaɨu ko vae. Jesús jei chupe: —Emongaru chevecha reta.

San Juan 21:17 Iomraidhean Croise

San Mateo 25:40

Jayave che jaeta chupe reta: Añete che jae peve, jocorai peyapo cherɨvɨ reta pe, yepe tei oñereroɨrouca. Jare jocorai peyapo yave, peyapo co cheve vi —jaeta, jei—.

San Marcos 14:72

Jayave tacareo oñee pɨipɨi. Jare Pedro imaendúa Jesús jei chupegüe re: Ndei tacareo oñee pɨipɨi mbove, mboapɨ vese checuacuta. Jare cuae re oñemongueta ipɨa pe yave, omboɨpɨ oyaeo.

San Juan 12:8

Paravete vae reta jecuaeño yogüɨrecota pe reta ndive. Erei che ngaraa jecuaeño aico pe reta ndive —jei.

San Juan 13:38

—Nde rere remanota cherecovia pe —jei Jesús—. Añete che jae ndeve, ndei tacareo oñee pɨipɨi mbove, mboapɨ vese ma checuacuta —jei—.

San Juan 14:15

Cheraɨu yave, peyapo cheporoócuai reta —jei—.

San Juan 15:10

Peyapo yave cheporoócuai reta, peicota co cheraɨu reve. Echa corai che ayapo cheRu iporoócuai reta, jare jecuaeño che aico aaɨu reve —jei Jesús chupe reta—.

San Juan 16:30

Añave roicuaa nde reicuaa co opaete, jare mbaeti remonesesita quia omombeu vaera ndeve mbae re. Cuae jeco pegua rogüɨrovia nde reyu co Tumpa güi —jei reta.

San Juan 18:27

Pedro jei ye: —Mbaeti co. Jare cuae jei ma yave, tacareo oñee.

San Juan 18:4

Jayave Jesús ojo jae reta cotɨ jare jei: —¿Quia pa peeca? Echa jae oicuaa ma mbae oyeapota chupe vae.

San Juan 21:18

Añete che jae ndeve, nde ndetaɨrusu yave, reyecuacua jare reguata reipota reoa rupi. Erei nendechi yave, reupita ndeyɨva jare iru vae ndeocuata jare ndererajata mbaetita reipota reoa pe —jei.

San Juan 4:16

Jayave Jesús jei chupe: —Ecua eeni neme peyu cuae pe.

Hechos 1:24

Jayave oyerure reta Tumpa pe corai: —OreYa, nde reicuaa opaete vae ipɨa. Eechauca oreve quia nunga ra reiparavo ma cuae mócoi cuimbae güi,

Hechos 11:10

Jare cuae mboapɨ vese ma oyeapo yave, opaete oyereraja ye ara pe.

Hechos 15:8

Tumpa oicuaa opaete vae ipɨa pe oi vae, jare jae oechauca jae reta güɨrovia co. Echa omee chupe reta Espíritu Santo, ñandeve omee rami —jei Pedro—.

2 Corintios 1:12

Echa ore roico cavi oporogüɨrovia mbae vae reta ipɨte pe jare pepɨte pe etei, Tumpa oremborɨ rambue. Mbaeti etei roporombotavɨ. Jare corai roico Tumpa ipɨacavi rupi, mbaeti orearacuaa ae rupi. Jare roicuaa cuae añete co. Jae rambue royerovia.

Efesios 4:30

Jare agüɨye pembopɨatɨtɨ Tumpa iEspíritu Santo. Echa Tumpa omee ma peve Espíritu Santo, oicuauca vaera pe reta jae imbae co. Jare Espíritu Santo oicota pe reta ndive, Tumpa perepɨ ete regua.

1 Pedro 1:6

Jae rambue peyerovia yae cuae re, yepe tei güɨramoi añave michi pegua pepɨatɨtɨ mbaembae yavai peve vae jeco pegua.

2 Pedro 3:1

Cherɨvɨ reta, cuae tupapire aicuatía peve vae co jae mocoia. Mócoi reve pe pomomaendúa peicuaa ma vae re, añetete peñemongueta vaera jese.

Apocalipsis 2:23

Jare ayucata jocuae cuña imembɨ reta, jare opaete oporogüɨrovia vae oñemboatɨatɨ vae reta oicuaata quirai che aicuaa opaete vae iñemongueta ipɨa pe oi vae. Jare ameeta peve metei ñavo peparavɨquɨ ae rupi.

Apocalipsis 3:19

Che aiporarauca aaɨu vae ñavo pe, amboe vaera. Jae rambue peñemoatangatu jare peeya peñemongueta icavi mbae vae pepɨa pe oi vae.