San Juan 19:4 - Nuevo Testamento Guaraní Pe

⁴ Jayave Pilato oe ye, jare jei judío reta pe: —Mase, aruta peve peicuaa vaera mbaeti co avae teco jese.

Biblia Guarani Tumpa Iñee

⁴ Jare Pilato oë ye, jei judío reta pe: —Mase, aruta peve, peikuaa vaerä mbaetɨ ko aväe teko jese vae.

San Juan 19:4 Iomraidhean Croise

San Mateo 27:19

Jare Pilato oguapɨ oi yave ojaa vaera Jesús, jembireco ombou quia jei vaera chupe: —Agüɨye eyapo mbae jocuae cuimbae jupi vae pe. Echa aiporara yae pɨare chepaɨu pe jae jeco pegua.

San Mateo 27:24

Jare Pilato oicuaa yave mbaeti co mbae ipuere oyapo oyorauca vaera Jesús - echa judío reta omboɨpɨ oyapo tecorai - jei güeru vaera chupe ɨ jare oyepoe yatɨ vae reta jóvai. Jayave jei chupe reta: —Che mbaeti anoi teco cuae cuimbae jupi vae imano re. Pe reta penoi teco —jei.

San Mateo 27:4

Jare jei chupe reta: —Ayapo mbaeyoa. Echa amoeterenga peve jocuae cuimbae teco mbaeti güɨnoi vae peyucauca vaera —jei. Jayave jae reta jei Judas pe: —Jocuae mbaeti co mbae oreve. Nde co renoi teco.

San Mateo 27:54

Jare cien sundaro vae juvicha Jesús re omae oi vae jare jae ndive ñogüɨnoi vae reta oecha yave quirai ɨvɨ ocana jare opaete oyeapo vae, oquɨye yae jare jei: —Añete yepe, cuae cuimbae co jae Tumpa Taɨ.

San Lucas 23:4

Jayave Pilato jei sacerdote reta itenondegua reta jare tenta pegua reta pe: —Mbaeti avae teco icavi mbae vae cuae cuimbae re.

San Lucas 23:41

Jare jupi co ñande ñamano vaera. Echa ñande ñamanota ñai icavi mbae vae yayapo vae jeco pegua. Erei cuae cuimbae mbaeti mbae icavi mbae vae oyapo —jei.

San Lucas 23:47

Jare cien sundaro vae juvicha joco pe oi vae oecha mbae oyeapo vae. Jayave omboete Tumpa jare jei: —Añete co, cuae cuimbae co jae jupi vae.

San Juan 18:33

Jayave Pilato oique ye pretorio pe jare oeni Jesús. —¿Nde pa co jae judío reta juvicha guasu? —jei.

San Juan 18:38

Jayave Pilato oparandu chupe: —¿Mbae pa jocuae añete vae? Jare cuae jei ma yave, Pilato oe ye judío reta jóvai jare jei chupe reta: —Mbaeti etei teco avae jese.

San Juan 19:6

Sacerdote reta itenondegua reta jare jembiócuai reta oecha yave Jesús, iñeeata reve jei: —¡Eicutuca curusu re, eicutuca curusu re! Jayave Pilato jei chupe reta: —Pe reta etei peraja peicutuca curusu re. Echa che mbaeti etei teco avae jese —jei.

2 Corintios 5:21

Cristo mbaeti etei iyoa. Erei Tumpa oiporarauca chupe opaete ñanembaeyoa re, Tumpa ipuere vaera ñanembojupi yarovia Cristo re yave.

Hebreos 7:26

Icavi yae co oyerure vaera ñanderé cuae nunga sacerdote tenondegua. Echa jae co jupi vae. Mbaeti etei jeco. Jae co iyoa mbae vae. Mbaeti etei ipuere iyoa. Jae oico ara pe etei.

1 Pedro 1:19

Tumpa perepɨ Cristo jugüɨ pe. Jocuae jugüɨ icavi yae Tumpa pe. Echa Cristo oñemee omano vaera, Israel pegua reta metei vecha-raɨ icavi yae vae güɨrocuavee Tumpa pe rami.

1 Pedro 2:22

Echa Cristo mbaeti iyoa. Mbaeti etei oporombotavɨ.

1 Pedro 3:18

Cristo vi metei veseño oiporara ñanembaeyoa reta re. Jae co jupi vae, erei oiporara jupi mbae vae reta imbaeyoa reta re. Jare jocorai oiporara ñanembopɨacatu vaera Tumpa ndive. Erei yepe tei iru vae reta oyuca, erei Espíritu Santo omoingove ye güeru omanogüe vae reta ipɨte güi.

1 Juan 3:5

Jare peicuaa quirai Jesucristo oyeapo cuimbaera omboai vaera ñanembaeyoa reta. Jare jae mbaeti etei iyoa.