San Juan 18:38 - Nuevo Testamento Guaraní Pe

³⁸ Jayave Pilato oparandu chupe: —¿Mbae pa jocuae añete vae? Jare cuae jei ma yave, Pilato oe ye judío reta jóvai jare jei chupe reta: —Mbaeti etei teco avae jese.

Biblia Guarani Tumpa Iñee

³⁸ Jayave Pilato oparandu chupe: —¿Mbae pa jókuae añete vae? Jare kuae jei ma yave, Pilato oë ye judío reta jóvai jare jei chupe reta: —Mbaetɨ etei aväe teko jese.

San Juan 18:38 Iomraidhean Croise

San Mateo 27:24

Jare Pilato oicuaa yave mbaeti co mbae ipuere oyapo oyorauca vaera Jesús - echa judío reta omboɨpɨ oyapo tecorai - jei güeru vaera chupe ɨ jare oyepoe yatɨ vae reta jóvai. Jayave jei chupe reta: —Che mbaeti anoi teco cuae cuimbae jupi vae imano re. Pe reta penoi teco —jei.

San Marcos 15:14

Erei Pilato oparandu ye chupe reta: —¿Mbae nunga teco icavi mbae vae pa oyapo? Erei jae reta iñeeata yae reve jei: —Eicutuca curusu re.

San Lucas 23:4

Jayave Pilato jei sacerdote reta itenondegua reta jare tenta pegua reta pe: —Mbaeti avae teco icavi mbae vae cuae cuimbae re.

San Juan 18:33

Jayave Pilato oique ye pretorio pe jare oeni Jesús. —¿Nde pa co jae judío reta juvicha guasu? —jei.

San Juan 19:4

Jayave Pilato oe ye, jare jei judío reta pe: —Mase, aruta peve peicuaa vaera mbaeti co avae teco jese.

San Juan 19:6

Sacerdote reta itenondegua reta jare jembiócuai reta oecha yave Jesús, iñeeata reve jei: —¡Eicutuca curusu re, eicutuca curusu re! Jayave Pilato jei chupe reta: —Pe reta etei peraja peicutuca curusu re. Echa che mbaeti etei teco avae jese —jei.

Hechos 17:32

Jare oendu reta yave oicove ye ou omanogüe vae reta ipɨte güi vae regua, amogüe vae oyóyai. Erei iru vae reta jei Pablo pe: —Royeapɨsaca yeta nderé iru ara cuae re.

1 Pedro 1:19

Tumpa perepɨ Cristo jugüɨ pe. Jocuae jugüɨ icavi yae Tumpa pe. Echa Cristo oñemee omano vaera, Israel pegua reta metei vecha-raɨ icavi yae vae güɨrocuavee Tumpa pe rami.