San Juan 13:2 - Nuevo Testamento Guaraní Pe

^2-4 Judas Iscariote - jae co Simón taɨ - oñemongueta ma omoeterenga vaera Jesús jovaicho reta pe. Echa jocorai oipota aña guasu Judas oñemongueta vaera. Jare Jesús oicuaa cavi ma opaete mbaravɨquɨ Tu oipota oyapo vaera vae. Oicuaa vi ou co Tumpa güi jare ojo yeta co Tumpa pɨri. Jare pɨtu yave Jesús jare jemimboe reta ocaru ñogüɨnoi yave, Jesús opúa mesa güi, omboi jemimonde iarambuegua, jare oyocua icúa metei toalla pe.

Biblia Guarani Tumpa Iñee

^2-4 Judas Iscariote, Simón taɨ ipɨa pe aña guasu oñono ma omee vaerä Jesús jovaicho reta pe. Jare Jesús oikuaa kavi ma Tu oñono opaete mbaembae ipo pe. Oikuaa vi ou ko Tumpa güi jare ojo yeta ko Tumpa oïa pe. Jare pɨ̈tu yave Jesús jare jemimboe reta okaru ñogüɨnoi ramboeve, jae opüa mesa güi, omboi jemimonde iarambogua, jare oyekuakua metei toalla pe.

San Juan 13:2 Iomraidhean Croise

San Mateo 10:4

Simón (jae co metei cananita), jare Judas Iscariote (cuae cuimbae omoeterenga Jesús jovaicho reta pe).

San Lucas 22:3

Jayave Satanás etei oya Judas Iscariote re - Judas co jae jocuae doce vae güi metei.

San Lucas 22:31

Simón, Simón, mase, Satanás oipota tei güɨnoi mbaepuere nderé, metei omaemboveve vae trigo re mbaepuere güɨnoi rami —jei—.

San Juan 13:11

Echa Jesús oicuaa quia omoeterengata jovaicho reta pe. Jae rambue jei: “Erei mbaeti co opaete pe reta”.

Hechos 5:3

Jayave Pedro jei chupe: —Ananías, ¿maera pa remaeño Satanás re omotɨnɨe vaera ndepɨa icavi mbae vae pe? Reñovatu ndeyeupe mbovɨ ndeɨvɨ jepɨgüe güi. Ndeapu ma co Espíritu Santo pe —jei—.

2 Corintios 8:16

Erei amee yasoropai Tumpa pe quirai jae omoatangatu Tito pecotɨ, oremoatangatu pecotɨ rami.

Efesios 2:3

Tenonde yave opaete ñande vi yaico ñaneremimbota reño jae reta rami. Echa yaicose ñanderete jare ñaneñemongueta oipota vae re. Jae rambue Tumpa pochɨse ñandeve, opaete iru vae reta pe pochɨ rami. Echa ñande vi ɨvɨ pegua reta co jae reta rami.

Apocalipsis 17:17

Echa Tumpa omoquɨreɨ jocuae diez mburuvicha guasu reta omee vaera iporocuaia metei ramiño jocuae maemɨmba guasu pe. Jare maemɨmba guasu güɨnoita iporoocuaia reta Tumpa iñee reta oyeapo regua.