Apocalipsis 18:2 - Nuevo Testamento Guaraní Pe

² Jare araɨgua iñeeata reve jei: —Tenta tuicha vae Babilonia jee vae oñemboai ma. Añave yogüɨreco joco pe aña reta. Metei tembipɨɨrɨru rami co. Echa opaete aña mbaembae pochɨi vae oyapo vae reta jare opaete güɨra mbaembae pochɨi vae oyapo vae reta yogüɨreco joco pe, tembipɨɨ reta tembipɨɨrɨru pe yogüɨreco rami —jei—.

Biblia Guarani Tumpa Iñee

² Jare osapúkai reve jei: “Oa ma, oa ma Babilonia guasu. Opɨta aña reta jëtarä, opaete espíritu ikɨa vae oikoarä. Güɨra oyeumbae jare oñereröɨro vae jëtarä.

Apocalipsis 18:2 Iomraidhean Croise

Apocalipsis 1:15

Ipɨ bronce oñemboacu yave tata tuicha vae pe oesape yae vae echa cheve. Jare imiari yave, iñee jɨapu yae ɨ guasu jɨapu yae rami.

Apocalipsis 10:3

Jayave tanta osapúcai metei yaguapope oñee rami. Jare araɨgua osapúcai ma yave, jɨapu ara siete vese.

Apocalipsis 11:8

Jare jocuae mócoi cuimbae jetegüe opɨtata calle pe jocuae tenta tuicha vae ñandeYa curusu re oyecutua pe. Ñandepuere ñambojee jocuae tenta Sodoma jare Egipto. Echa jocuae tenta pegua reta oyovaicho yae Tumpa ndive.

Apocalipsis 14:15

Jare metei araɨgua oe Tumpa jo güi jare iñeeata reve jei amapɨtu re oguapɨ oi vae pe: —Eiporu jocuae hoz renoi vae rembaarɨvo vaera. Echa ou ma ovae rembaarɨvo vaera. Echa yagüɨye yae ma ɨvɨ pe oi vae. Icavi co rembaarɨvo vaera —jei.

Apocalipsis 14:8

Jare jocuae araɨgua jaɨcue oveve iru araɨgua jare jei: —Jocuae tenta tuicha vae Babilonia jee vae opa ma oñemboai. Jocuae Babilonia pegua reta omboete tumpa-raanga reta, jare oicuauca opaete iru ɨvɨ pegua reta pe jocorai oyapo vaera. Jae rambue Tumpa pochɨ chupe reta —jei.

Apocalipsis 16:13

Jare aecha jocuae maemɨmba guasu tenonde aecha vae, jare jocuae iru maemɨmba guasu ɨ guasu güi oe vae, jare jocuae iru maemɨmba guasu ɨvɨgüɨ güi oe vae - jae jei omombeu co Tumpa iñee erei oporombotavɨ. Jare aecha metei aña iquɨa yae vae oe iyuru ñavo güi. Mboapɨ pite echa jocuae aña reta.

Apocalipsis 16:19

Jare jocuae tenta tuicha vae oñemboyao mboapɨ pe jare opaete ɨvɨ rupi jeta tenta oñemboai. Jare Tumpa imaendúa jocuae tenta tuicha vae Babilonia jee vae re oiporarauca yae vaera chupe. Echa Tumpa pochɨ yae chupe.

Apocalipsis 17:18

Jare jocuae cuña reecha vae oñemojaanga jocuae tenta tuicha vae opaete ɨvɨ pegua mburuvicha guasu reta re mbaepuere güɨnoi vae re —jei.

Apocalipsis 17:5

Jare jesɨva re oyecuatía oi jee corai: Babilonia mbaepuere tuicha vae güɨnoi vae. Jae co iyaguasa vae reta ichɨ. Jae co ɨvɨ pegua pochɨi vae oyapo vae reta ichɨ. Jocorai oyecuatía oi. Jaeramo oyecuaa jocuae cuña jee.

Apocalipsis 18:10

Erei jae reta oñemboɨta mombɨrɨ tenta güi, agüɨye vaera oiporara jocuae tenta pegua reta oiporarata rami. Jare jei retata: Paravete. Babilonia metei tenta tuicha yae vae co tei. Metei ora peño Tumpa oiporarauca chupe —jei retata, jei—.

Apocalipsis 18:21

Jare metei araɨgua ipɨrata yae vae oipɨɨ metei ita. Tuicha co jocuae ita metei ita tuicha vae ombaeso pɨpe vae rami. Jayave araɨgua omombo ita ɨ guasu pe jare jei: —Jocoraita oñemboai ɨmambae yae jocuae tenta tuicha vae Babilonia jee vae. Ngaraa ye ma quia oecha —jei—.

Apocalipsis 5:2

Jare aecha metei araɨgua ipɨrata vae, jare araɨgua iñeeata reve jei: —¿Oime pa quia jupi co cuae libro oipea vaera vae? ¿Oime pa quia jupi co cuae libro iñemboyaa oequi vaera vae? —jei.