Apocalipsis 16:13 - Nuevo Testamento Guaraní Pe

¹³ Jare aecha jocuae maemɨmba guasu tenonde aecha vae, jare jocuae iru maemɨmba guasu ɨ guasu güi oe vae, jare jocuae iru maemɨmba guasu ɨvɨgüɨ güi oe vae - jae jei omombeu co Tumpa iñee erei oporombotavɨ. Jare aecha metei aña iquɨa yae vae oe iyuru ñavo güi. Mboapɨ pite echa jocuae aña reta.

Biblia Guarani Tumpa Iñee

¹³ Jare aecha oë mbaeporou iyuru güi, mbaemɨmba guasu iyuru güi jare ñeemombeúa raanga iyuru güi mboapɨ espíritu ikɨa vae pïte rami vae;

Apocalipsis 16:13 Iomraidhean Croise

San Mateo 7:15

Amogüe oporombotavɨ vae reta jeita: Che co jae Tumpa iñee omombeu vae. Agüɨye perovia. Jae reta jei peve oipota co omombeu peve Tumpa iñee, erei oipota oyapo icavi mbae vae peve —jei—.

Apocalipsis 16:14

Jae reta co aña mɨacañɨ reta ipuere oyapo vae reta. Jae reta yogüɨraja opaete ɨvɨ rupi mburuvicha guasu ñavo oicoa pe. Jae reta omboatɨ opaete mburuvicha guasu reta oñoraro vaera Tumpa opaete mbaepuere güɨnoi vae ndive. Oñoraro retata co jae ndive jocuae Tumpa iara pe.

Apocalipsis 18:2

Jare araɨgua iñeeata reve jei: —Tenta tuicha vae Babilonia jee vae oñemboai ma. Añave yogüɨreco joco pe aña reta. Metei tembipɨɨrɨru rami co. Echa opaete aña mbaembae pochɨi vae oyapo vae reta jare opaete güɨra mbaembae pochɨi vae oyapo vae reta yogüɨreco joco pe, tembipɨɨ reta tembipɨɨrɨru pe yogüɨreco rami —jei—.

Apocalipsis 19:20

Jare oyepɨɨuca jocuae maemɨmba guasu jocuae iru maemɨmba guasu jei omombeu co Tumpa iñee oporombotavɨ vaera vae ndive. Echa jocuae oporombotavɨ vae tenonde yave oyapo mɨacañɨ reta jocuae maemɨmba guasu jóvai, ombotavɨ vaera maemɨmba guasu imarca güɨnoi vae reta. Echa jae reta omboete jocuae maemɨmba guasu jaanga. Jayave cuae mócoi reve oñemombouca oicove reve tata guasu pe. Joco pe jendɨ oi azufre.

Apocalipsis 20:10

Jare aña guasu ombotavɨ reta vae oñemombouca tata guasu azufre jendɨ oi pɨpe vae pe maemɨmba guasu jare jocuae iru maemɨmba guasu jei omombeu co Tumpa iñee oporombotavɨ vaera vae ñogüɨnoia pe. Jare joco pe mboapɨ reve oiporarata ara rupi jare pɨtu rupi jecuaecuae aveiño.