Apocalipsis 14:17 - Nuevo Testamento Guaraní Pe

¹⁷ Jare iru araɨgua oe Tumpa jo ara pe oi vae güi. Jae vi güɨnoi hoz jaimbe vae.

Biblia Guarani Tumpa Iñee

¹⁷ Jare ïru araɨgua oë tupao ara pe oï vae güi, jae güɨnoi vi hoz jaimbe vae.

Apocalipsis 14:17 Iomraidhean Croise

Apocalipsis 11:19

Jare Tumpa jo oyepea oi ara pe jare oyecuaa Tumpa jo pe ita reta Tumpa oicuatía mboroócuai reta jese vae jɨru. Jare overa jare jɨapu ara. Jare oñeendu ñee reta. Jare ɨvɨ ocana. Jare oa jeta amandau.

Apocalipsis 14:16

Jare amapɨtu re oguapɨ oi vae oiporu hoz güɨnoi vae ɨvɨ re jare oarɨvo ɨvɨ pe oi vae.

Apocalipsis 14:18

Jare iru araɨgua oe maemɨmba oyeyucagüe oñererocuaveea güi. Jae güɨnoi mbaepuere tata re. Jare iñeeata reve jei araɨgua hoz jaimbe vae güɨnoi vae pe: —Eiporu hoz jaimbe vae renoi vae jare earɨvo ɨvɨ pegua uva reta. Echa yagüɨye yae ma uva reta —jei.

Apocalipsis 16:1

Jare aendu metei ñee Tumpa jo güi. Iñeeata reve jei jocuae siete araɨgua reta pe: —Pecua pepɨyere ɨvɨ re jocuae siete jɨru Tumpa iyarasɨ güɨnoi vae reta.

Apocalipsis 16:17

Jare iru araɨgua opɨyere jɨru güɨnoi vae ɨvɨtu re. Siete ma oyepɨyere. Jare oñeendu metei ñee Tumpa jo ara pe oi vae güi Tumpa iguapɨa güi. Iñeeata reve jei: —Opa ma oyeapo.