Apocalipsis 14:12 - Nuevo Testamento Guaraní Pe

¹² Icavi co ipɨaguasu vaera oñeñono tee Tumpa peguara vae reta. Jae reta oyapo Tumpa iporoócuai reta jare güɨrovia Jesús re.

Biblia Guarani Tumpa Iñee

¹² ¡Kuae pe oyekuaata oporogüɨrovia vae reta ipɨa guasu, jare oyapo Tumpa iporookuai reta jare güɨrovia Jesús re vae reta!

Apocalipsis 14:12 Iomraidhean Croise

2 Timoteo 4:7

Che aparavɨquɨ tanta aiporara reve. Opa ma ayapo Tumpa omee cheve ayapo vaera vae. Jecuaeño añemomɨrata yarovia vae re.

1 Juan 2:3

Jesucristo iporoócuai reta yayapo yave, cuae oicuauca ñandeve yaicuaa co.

Apocalipsis 12:17

Jayave maemɨmba guasu pochɨ cuña pe, jare ojo oñoraro cuña imembɨ ndeiño omano vae reta ndive. Echa jae reta oyapo Tumpa iporoócuai reta jare omombeu Jesús regua.

Apocalipsis 13:10

Oporomoamɨri vae reta oyucata amogüe vae quɨsepucu pe, jae reta etei quɨsepucu pe oporoyuca rambue. Jare oporomoamɨri vae reta güɨrajata iru vae reta iɨvɨ ae güi jembiócuai retara. Jae rambue icavi co oñeñono tee Tumpa peguara vae reta ipɨaguasu vaera jare jecuaeño mborogüɨrovia güɨnoi vaera.

Apocalipsis 2:13

“Aicuaa peparavɨquɨ jare quiape peico. Echa perenta pe jeta yae vae omboete Satanás. Erei pe reta jecuaeño peicuauca quirai perovia cheré. Mbaeti etei peeya peporogüɨrovia, yepe tei yavai yae peve jocuae ara reta pe Antipas oyeyucauca pepɨte pe yave. Antipas oyeyucauca, chemombeu cavi rambue. Echa Satanás etei oico perenta pe.

Apocalipsis 3:10

“Peyapo che jae peve peyapo vaera vae pepɨaguasu reve rambue, che poepɨta opaete ɨvɨ pe yogüɨreco vae reta oiporarata vae güi.

Apocalipsis 3:8

“Che aicuaa peparavɨquɨ. Mase, aechauca ma peve metei onque oyepea oi vae. Mbaeti quia ipuere oñoquenda jocuae onque. Pembaepuere michi co, erei peyapo che jae peve peyapo vaera vae jare mbaeti checuacu.