Apocalipsis 13:7 - Nuevo Testamento Guaraní Pe

⁷ Jare Tumpa omaeño jese oñoraro vaera oñeñono tee Tumpa peguara vae reta ndive jare omoamɨri vaera. Jare oñemee chupe mbaepuere opaete ɨvɨ ñavoñavo pegua reta re.

Biblia Guarani Tumpa Iñee

⁷ Jare Tumpa omaeño jese oñeraro vaerä oporogüɨrovia vae reta kotɨ jare omoamɨri vaerä. Oñemee vi chupe mbaepuere opaete ñemuña, tëta reta, ñee ambuae mbuae jare tëtaguasu reta re.

Apocalipsis 13:7 Iomraidhean Croise

San Lucas 4:6

Jayave aña guasu jei Jesús pe: —Tamee ndeve mbaepuere reyeapo vaera opaete cuae juvicha guasura, opaete vae nemboete vaera. Echa cuae mbaepuere oñemee co cheve jare chepuere amee aipota amee chupe vae pe —jei—.

San Juan 19:11

—Mbaeti yave Tumpa omaeño nderé, ngaraa tei ndepuere cheré —jei Jesús—. Jae rambue chemoeterenga ndeve vae iyoa yae ma co.

Apocalipsis 10:11

Jayave araɨgua jei ye cheve: —Remombeu yeta co Tumpa iñee jeta yae vae ɨvɨ ñavoñavo pegua pe jare mburuvicha guasu reta pe.

Apocalipsis 11:18

Jare ɨvɨ pegua reta pochɨ ndeve. Erei nde vi ndepochɨ chupe reta. Jare ou ma ovae ara omanogüe vae reta oñejaauca vaera, jare nde remee vaera imbaera neñee omombeu vae reta pe - echa jae reta oyeócuai ndeve - jare oñeñono tee ndeveguara vae reta pe. Jae reta co michia reta jare ocuacuaagüe reta oquɨye reve nemboete vae. Ou ma ovae ara nde remboai vaera ɨvɨ güɨrocomegua vae reta —jei reta.

Apocalipsis 11:7

Jare opa ma Tumpa regua omombeu yave, jocuae maemɨmba ɨvɨcua ipɨpucu yae vae güi oeta vae oñorarota jae reta ndive jare omoamɨrita jare oyucata.

Apocalipsis 12:17

Jayave maemɨmba guasu pochɨ cuña pe, jare ojo oñoraro cuña imembɨ ndeiño omano vae reta ndive. Echa jae reta oyapo Tumpa iporoócuai reta jare omombeu Jesús regua.

Apocalipsis 17:15

Jayave jei ye cheve: —Reecha ma jocuae cuña iyaguasa vae oguapɨ oi ɨ guasu reta re. Jocuae ɨ guasu reta oñemojaanga opaete ɨvɨ ñavoñavo pegua reta re.

Apocalipsis 5:9

Jare jae reta ocanta metei canta ipɨau vae. Ocanta corai: —Jupi co nde renoi vaera jocuae libro. Jupi co nde reequi vaera jocuae libro iñemboyaa reta. Echa nde reyeyucauca jare reepɨ Tumpa imbae retara nderugüɨ rupi opaete ɨvɨ ñavoñavo pegua reta ipɨte güi.