1 Juan 2:20 - Nuevo Testamento Guaraní Pe

²⁰ Erei Espíritu Santo ou ma pepɨa pe. Jae rambue pe reta peicuaa opaete.

Biblia Guarani Tumpa Iñee

²⁰ Ërei Cristo peñeñono tee ma Espíritu Santo rupi, jáeramo pe reta peikuaa opaete.

1 Juan 2:20 Iomraidhean Croise

San Mateo 13:11

Jayave Jesús jei chupe reta: —Amombeu ma peve mboroocuaia ara pegua regua. Cuae mbaeti oyecuaa iru vae reta pe —jei—.

San Marcos 1:24

—¿Maera pa reyu oremambeco, Jesús Nazaret pegua? ¿Reyu pa oremboai vaera? Che rocuaa. Nde co jae jupi vae. Nde reyu co Tumpa güi —jei.

San Lucas 4:18

ÑandeYa iEspíritu oime che ndive oi. Jae cheparavo amombeu vaera ñee icavi vae paravete vae reta pe. Jae chembou ambopɨacatu vaera ipɨatɨtɨ vae reta. Chembou vi amombeu vaera tembipɨɨ reta pe ipuere ma oyeyora, jare amombeu vaera jesa mbae vae reta pe omae vaera. Chembou vi ayora vaera oiporara vae reta oiporarauca chupe vae reta imbaepuere güi.

San Lucas 4:34

—¿Maera pa reyu oremambeco, Jesús Nazaret pegua? ¿Reyu pa oremboai vaera? Che rocuaa. Nde co jae iyoa mbae vae. Nde reyu co Tumpa güi —jei.

San Juan 14:26

Erei jocuae pembopɨacatuta vae pemboeta opaete mbae re. CheRu ombouta peve cheree re. Jae co Espíritu Santo. Jae pemomaenduata opaete che jae peve vae re —jei—.

San Juan 16:13

Erei Espíritu Santo añete vae re imiarita vae ou ma yave, omombeuta peve añete vae. Echa ñee omombeuta peve vae ngaraa imbae aeño. Imiarita Tumpa omombeu chupe vae re, jare omombeuta peve oyeapota vae —jei—.

Hechos 3:14

Erei pe reta peroɨro cuae Jesús - jae co iyoa mbae jare jupi vae - jare peyerure Pilato pe oyorauca vaera peve metei oporoyuca vae —jei Pedro—.

1 Corintios 2:15

Echa Espíritu Santo oico ipɨa pe vae ipuere oicuaa cavi opaete cuae mbaembae. Erei oporogüɨrovia mbae vae mbaeti ipuere oicuaa cavi oporogüɨrovia vae regua.

Hebreos 1:9

Nde jecuaeño reyapo jupi vae. Mbaeti etei reipota mbaeyoa. Jae rambue che roapo opaete iru vae reta itenondeguara, reyerovia yae vaera. Che co jae neTumpa. Jocorai jei.

Hebreos 8:11

Ngaraa etei quia omboe jentaɨgua cheré. Ngaraa etei quia omboe jentara cheré. Ngaraa etei quia jei iru vae pe: Eñemboe ñandeYa re. Echa opaete vae - michia reta jare ocuacuaagüe reta - checuaata co.

1 Juan 2:27

Erei Tumpa omee ma peve Espíritu Santo, jare jae oico pepɨa pe. Jae rambue peicuaa ma cuae regua iru vae omombeu peve mbae reve. Echa Espíritu Santo pemboe opaete mbaembae re, jare Espíritu Santo jecuaeño jei añete vae. Mbaeti etei ipuere iyapu. Jae rambue jecuae peñemoiru Jesucristo ndive Espíritu Santo pemboe rami.

1 Juan 4:13

Jare Tumpa omee ma ñandeve iEspíritu. Jae rambue yaicuaa ñande ñañemoiru co Tumpa ndive, jare Tumpa oico ñandepɨa pe.

Judas 1:5

Jae rambue yepe tei peicuaa ma, erei aipota pomomaendúa ye cuae re: ÑandeYa oepɨ Israel pegua reta güeru Egipto güi. Erei taɨcue rupi opa oyuca jeigüe mbaeti güɨrovia vae reta.

Apocalipsis 3:7

Jare eicuatía araɨgua oporogüɨrovia vae Filadelfia pe oñemboatɨ vae reta pe oyeócuai vae pe corai: Cuae jei iyoa mbae vae. Jae co añete vae jei vae. Jae güɨnoi mbaepuere Tumpa omee David pe vae. Jocuae mbaepuere metei onque illave rami co. Echa jae oipea yave metei onque, mbaeti quia ipuere oñoquenda ye. Jae ramiño vi jae oñoquenda yave metei onque, mbaeti quia ipuere oipea ye:

Apocalipsis 4:8

Jare jocuae irundɨ mbaembae oicove vae reta güɨnoi seis ipepo reta metei ñavo, jare icatu rupi jare japɨpe rupi güɨnoi jeta jesa. Jare jecuaeño jei reta: —ÑandeYa Tumpa opaete mbaepuere güɨnoi vae iyoa mbae etei co. Jae iyɨpɨ güive jare añave jecuaeño oico. Jare jae jecuae oita. Jocorai jei reta ara rupi jare pɨtu rupi. Mbaeti etei oputuu reta.