San Juan 5:16 - Guahibo

¹⁶ Bajaraxuata nexata judíovi Jesús jamatabëitonotatsi. Jamatabëbeyaxuabatsinua. Tsipaji jamatejemayaexana piavitanevi judíovi penacueraevetsimatacabita.

San Juan 5:16 Iomraidhean Croise

San Mateo 12:13

Nexata Jesús jumaitsi pecobetsaquenaenëjavabelia: —Namaxërovire, jai Jesús. Itsa bajaraponë namaxërovita, pacuenia itsanenia cobeitsi, bajara cobeitsi. Cobexanepanareca baja. Pecobetsaquenaejavami baja ajibi.

San Marcos 3:6

Nexata fariseovi itsa tane Jesús pecobexanepanaeyaexanaejava pecobetsaquenaenë, fariseovi anaepana. Nexata bajarapabovecua pitsapa. Pona penabarëcuaicuaijainexa nacuaevetsinë Herodes pijajivijavabelia. Bajarapamonae najumejaita Jesús pebeyaxuabinexatsi.

San Lucas 6:11

Nexata judíovi pecujarubivi, fariseovinua, itsa tane Jesús pecobexanepanaeyaexanaejava pecobetsaquenaenë, bitso anaepana. Nexata jane baja najumejaita pacuenia Jesús beyaxuabijitsiatsi.

San Juan 1:19

Judíovi, Jerusalén tomarapijivi, Juanjavabelia itoroba sacerdotevi, itsamonae templobo pevetsivi yajava, bajarapamonae peyanijobinexa Juanjavabelia. Nexata bajarapamonae itsa pata Juanjavabelia, yanijoba Juanjavabelia. Jumaitsi: —¿Jipatsamë xamë? ¿Xamë tsaja Dioso pecaitapetsinë? jai bajarapamonae Juanjavabelia.

San Juan 10:39

Bajarapacuenia Jesús jumaitsi ata, itsiata judíovi jamatabëvaetabatsi penaneconitsiaexanaenexatsi. Itsiata Jesús vecuapanepa.

San Juan 15:20

Panajamatabënapitabiabianame najumecapanepaeya patacajumaitsijava: “Itsanë ata apo jamatabëcuenematatoxenetsi pijatuxanenë,” patacajaijava. Nebejiobiaexana itsamonae. Nexata paxamë ata itsamonae pacabejiobiaexanaena. Itsamonae nejumecovënëta tatsipaebilivaisi. Nexata pijinia paxamë ata itsamonae pacajumecovënëtsiana panetsipaebilivaisi.

San Juan 5:10

Nexata judíovi jamatabëcuenenavëxaniabiaya jumaitsi petabusipacuenabinëmitsijavabelia: —Ajena raja vajanacueraevetsimatacabi. Nexata apo xanepanae necaponaponaenexa nijapanayo, jai judíovi, tsipaji bajarapamonae apo jitsipae itsajivi ata pexanaenexa itsacuenejavayo ata penacueraevetsimatacabita.

San Juan 5:13

Itsiata baitsi jane bajaraponë apo vënëyapëtae pavënënë jamatejemayaexanatsi. Apo vënëyapëtae Jesús. Tsipaji bitso jivi ayaibitsaëtoxaneto bajarajota jinavanapa. Jesús baja cajena pepuaponae itsajavabelia, yanijobatsi.

San Juan 5:15

Nexata bajaraponë pona baja. Tsipaeba judíovijavabelia. —Jesús tsaena raja nejamatejemayaexana, jai judíovijavabelia.

San Juan 5:17

Nexata Jesús jumaitsi judíovijavabelia: —Taxa Dioso raja piavitanevi jamatejemayaexanabiaba daxitamatacabi. Bajaraxuata xanë ata piavitanevi jamatejemayaexanajë daxitamatacabi, jai Jesús judíovijavabelia.

San Juan 5:18

Bajarapacuenia Jesús penalivaisipaebixae judíovijavabelia, itoyatsi bitso. Bajarapamonae jamatabëbeyaxuabatsi. Tsipaji Jesús jamatejemayaexana piavitanevi judíovi penacueraevetsimatacabita. Orijibia Jesús jumaitsi: “Taxa raja Dioso,” jai. Bajarapacuenia Jesús pejumaitsixae, nexata judíovi bitso jamatabëbeyaxuabatsi.

San Juan 7:21

Jesús nexata jumaitsi bajarapamonaejavabelia: —Caejavayo Dioso pesaëta pinijicuene taexanaejava exanajë penacueraevetsimatacabita. Nexata itsa pataneme bajarapacuene, daxita paxamë pajamatabëcuenenabenajacame penacueraevetsimatacabita taexanaexae bajarapacuene.

San Juan 7:25

Itsamonae Jerusalén tomarata pejinavanapaevi najumaitsi Jesús yabara: —¿Matsa ponë apo jaitarutsitsi pebeyaxuabinexatsije?