RUT 4:6 - Biblia Guarani Tumpa Iñee

⁶ Jayave Booz jëtara jei: —Jökorai ko yave, mbaetɨta amboepɨ, agüɨye vaerä arokomegua chembaeyekou. Nde emboepɨ; tamboasa ndeve, echa mbaetɨta chepuere amboepɨ.

RUT 4:6 Iomraidhean Croise

GÉNESIS 38:8

Jayave Judá jei Onán pe: —Emenda nderɨkeɨ jembirekogüe ndive, nderɨkeɨ iñemuña oime vaerä nderupi.

LEVÍTICO 25:25

Perëtara omee yave iɨvɨ paravete güi, jayave jëtara köiño chugüi vae ipuere ogua ye jókuae jëtara omeegüe.

DEUTERONOMIO 25:7

Ërei jókuae kuimbae mbaetɨ oipota omenda taɨtatɨgüe ndive yave, taɨtatɨ tojo tenondegua reta ñogüɨnoia pe, jare tei chupe reta: ‘Chepëu mbaetɨ oipota oiko avei tɨkeɨ ani tɨvɨ jee Israel iñemuña reta ipɨte pe, mbaetɨ oipota omenda che ndive.’

DEUTERONOMIO 25:8

Jayave jókuae tëta guasu pegua tenondegua reta toenɨiuka, jare timiari reta jae ndive, jare jae mbaetɨi oipota omenda jae ndive yave,

DEUTERONOMIO 25:9

toya taɨtatɨgüe jese, jare tenondegua reta jóvai toekɨ ipɨapaa chugüi, jare tondɨvɨ jova re, jare tei chupe: ‘¡Körai ko oyeapo mbaetɨ oipota oiko avei tɨkeɨ ani tɨvɨ jee vae!’

RUT 2:20

Jare Noemí jei imembɨtatɨgüe pe: —¡YandeYa tiporerekua jese! Jae ipɨakavi yandeve añave, opa ma omano vae reta pe ipɨakavi rami. Jókuae kuimbae jae ko orerëtara, jae güɨnoita mbaepuere yandemboepɨ vaerä.

RUT 3:13

Añave neköe kuae pe, pɨareve yaikuaata jae oipotata ra ndemboepɨ vae, oipota yave tandemboepɨ; ërei mbaetɨ yave oipota ndemboepɨ, che romboepɨta. YandeYa jee re kuae jae ndeve, añave eputuu köe regua.

RUT 3:9

Jayave Booz oparandu chupe: —¿Kia pa nde? Jare Rut jei chupe: —Che ko Rut nderembiokuai, nde ko cheme amɨri jëtaragüe, emenda che ndive.