RUT 4:10 - Biblia Guarani Tumpa Iñee

¹⁰ Jare arekota vi cherembirekorä Rut, Moab pegua, Mahlón amɨri jembirekogüe; jókuae ɨvɨ oiko vaerä omano vae jee reño, agüɨye vaerä jókuae omano vae jee oyemboai jëtara ipɨte güi jare iɨvɨ güi.

RUT 4:10 Iomraidhean Croise

GÉNESIS 29:27

Emboapɨ räri arete menda pegua semana vae, javoi tamee ndeve Raquel, reyeokuaita yave ïru chiu año jesegua.

GÉNESIS 38:9

Ërei Onán oikuaa jókuae ñemuña mbaetɨta imbae. Jáeramo tɨkeɨ jembirekogüe güɨroke ñavo ñäteɨ omomburúa ramo omoë taɨgüe ɨvɨ pei, echa mbaetɨ oipota oyapo tɨkeɨ iñemuñarä.

SALMOS 109:15

agüɨye yandeYa tiñakañɨ iyoa reta güi, topa etei tomokañɨtei ɨvɨ güi.

SALMOS 34:16

YandeYa iyarasɨ ikavimbae oyapo vae reta kotɨ, omboai vaerä ɨvɨ güi jee reta.

PROVERBIOS 18:22

Kuimbae oväe imenda ïrurä vae, oväe ko ikavi vae, yandeYa ipɨa kavi ou chupe.

PROVERBIOS 19:14

Kuimbae reta iporombopota jae ko, jo jare imbaeyekou taɨ reta imbaerä, ërei yandeYa iporombopota jae ko, kuña yarakuaa katu vae.

ISAÍAS 48:19

Peñemuña reta jeta yaeta tëi ko, ɨvɨkuitï jeta yae vae yaipapa rapembae ramita tëi ko, ngaraai ko opa tëi amboai, ngaraai ko ambosɨrɨ tëi cheróvai güi.’

OSEAS 12:12

Ërei Jacob otekuarai ojo ɨvɨ Aram kotɨ, joko pe oyeokuai güɨnoi vaerä jembirekorä, oparavɨkɨ oyangareko mɨmba reta re.

OSEAS 3:2

Jayave agua cheyeupe metei kuña quince reare korepoti pegua pe jare metei arova y medio cebada re.

ZACARÍAS 13:2

YandeYa Imbaepuere yae ete vae jei: Jókuae ara amboaita tumpa-raanga reta jee, jare ngaraa ye ma kia imaendúa jese. Amboaita vi ɨvɨ güi ñeemombeúa reta jare espíritu ikavimbae pegua.

MALAQUÍAS 2:14

Ërei pere: “¿Maera pa?” ¡Echa yandeYa pereecha ko kërai peiko petaɨrusu yave pemenda jae ndive vae ndive; echa mbaetɨ pereko kavi ikotɨ, jae ko peïru, jae ko perembireko pemenda kavi jae ndive vae!

Efesios 5:25

Kuimbae reta toaɨu jembireko, Cristo oaɨu oporogüɨrovia vae reta rami, echa jae oñemee omano vaerä jese reta,

DEUTERONOMIO 25:6

Jókuae kuña imembɨrɨpɨ kuimbae ko chupe yave, togüɨraja tɨkeɨ amɨri ani tɨvɨ amɨri jee, agüɨye vaerä jókuae omano vae jee okañɨ Israel iñemuña reta ipɨte pe.

Hebreos 13:4

Opaete vae tomboete menda, agüɨye tomongɨa menda vae, echa Tumpa ojäata aguasa oyapo vae reta jare menda re oyuvanga vae reta.

JOSUÉ 7:9

Echa cananeo reta jare opaete kuae ɨvɨ ipo reta oendu yave kuae, yatɨta oreöva, jare opaeteita oremokañɨtei reta. Jökorai yave, ¿mbae pa nde reyapota nderee tuicha yae vae pe?

RUT 4:9

Jare Booz jei tenondegua reta pe jare opaete joko pe ñogüɨnoi vae reta pe: —Opaete perovake ayapo kuae; Noemí güi agua aï opaete Elimelec amɨri iɨvɨ jare opaete Quelión jare Mahlón imbae.