RUT 4:1 - Biblia Guarani Tumpa Iñee

¹ Jayave Booz ojo oguapɨ tëta guasu jöke yemboatɨa renda pe; jare ko ou jókuae kuimbae, Booz imiari jese vae, jare jei chupe: —Eyu räri kuae pe jare eguapɨ. Jare jókuae kuimbae ou oguapɨ.

RUT 4:1 Iomraidhean Croise

GÉNESIS 19:1

Kaaruasɨ ma yave araɨgua reta yogüɨraja oväe Sodoma pe; jare Lot oguapɨ oï tëta Sodoma jöke pe; jare Lot oecha yave opüa oövaiti vaerä, jare oyetavatɨka itindɨasɨ ɨvɨ re.

GÉNESIS 23:10

Echa Efrón oiko jëtara Het iñemuña reta ipɨte pe, jare jae jei Abraham pe opaete vae jovake, jare opaete oike öke rupi vae reta jovake:

GÉNESIS 34:20

yogüɨraja, jae jare tu Hamor ndive tëta guasu jöke pe jare imiari kuimbae reta pe, jei reve:

2 SAMUEL 15:2

Jare ndeimbove ñavo opüa jare ojo oñeñono tape jembeɨ pe, tëta guasu jöke pe; jare oipotagüe ou oñeapo mburuvicha guasu pe yave, Absalón oenɨi jare oparandu chupe kia pegua ra ko vae, jare jókuae omombeu yave chupe kia ñemuña Israel pegua ko yave,

2 CRÓNICAS 18:9

Jare mburuvicha guasu Israel pegua jare Josafat mburuvicha guasu Judá pegua metei ñavo oguapɨ ñogüɨnoi iguapɨa pe, oyemonde reve temimonde kavi mburuvicha pegua pe, oka pe Samaria pe yaikea pe, jare opaete ñeemombeúa reta omoërakua ñogüɨnoi jae reta jóvai.

JOB 29:7

Aë yepi tëta guasu jöke pe aporojäa vaerä, jare oka guasu pe ayapokaviuka cherendarä.

JOB 31:21

Mbaetɨ amomburu tɨ̈reɨ, aecha tëi mburuvicha oporojäa vae reta ipuere chemborɨ.

SALMOS 69:12

imiari ari reta chekotɨño tëta guasu öke pe oguapɨ vae reta, jare okau vae reta itairari rupi cheangao.

PROVERBIOS 31:23

Ime, jërakua kavi yae tëta guasu jöke pe, oguapɨ yave jókuae tëtaguasu pegua tenondegua reta ipɨte pe.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

ZACARÍAS 2:6

YandeYa jei: “Che ko opa pomoai moai kerupi, petekuarai añave ɨvɨtuguasu kotɨ güi.

DEUTERONOMIO 16:18

Peñono mburuvicha oporojäa vae reta jare imborɨka reta perëta guasu ñavo rupi, yandeYa Tumpa omee ñemuña reta ñavo pe vae, jae reta toporojäa jupi rupi.

DEUTERONOMIO 17:5

peraja tëta guasu jöke pe kuimbae ani kuña ikavimbae oyapo vae, jare peyapi ita pe, jökorai tomano.

DEUTERONOMIO 21:19

jayave tu jare ichɨ togüɨraja morojäa renda pe, tëta pegua mburuvicha ñogüɨnoia pe,

DEUTERONOMIO 25:7

Ërei jókuae kuimbae mbaetɨ oipota omenda taɨtatɨgüe ndive yave, taɨtatɨ tojo tenondegua reta ñogüɨnoia pe, jare tei chupe reta: ‘Chepëu mbaetɨ oipota oiko avei tɨkeɨ ani tɨvɨ jee Israel iñemuña reta ipɨte pe, mbaetɨ oipota omenda che ndive.’

JOSUÉ 20:4

Jare ojo yave oñepɨ̈ro vaerä jókuae tëta guasu pe, tojo jókuae tëta guasu jöke pe, jare timiari oyapogüe re jókuae tëta guasu pegua tenondegua reta pe. Jayave jae reta tomaeño toike jare tomee reta chupe oiko vaerä joko pe.

RUT 3:12

Mase, añete che ko jae jókuae kuimbae jëtara, ërei oime ko ïru ma köiño chugüi vae.

RUT 3:18

Jayave Noemí jei: —Chemembɨ, eäro añave, yaikuaa regua këraita ra oyeapo kuae teko vae; echa jókuae kuimbae ngaraa ikuérai opa oyapo kavi regua kuae teko.