RUT 3:3 - Biblia Guarani Tumpa Iñee

³ Jayave eyau, eñemokäti kavi, jare emonde nderemimonde ikavi vae, jare ekua jokotɨ mbaembopiriría renda pe; ërei agüɨye eyeechauka chupe, jae opa regua okaru jare oɨu.

RUT 3:3 Iomraidhean Croise

2 SAMUEL 12:20

Jayave David opüa ɨvɨ güi, oyau jare oñemokäti asaite pe, oipoepɨ jemimonde, oike yandeYa jo pe jare omboete. Jaɨkue rupi ou jo pe jare oiporu mbae jou vaerä, jare omee reta chupe tembíu jare okaru.

2 SAMUEL 14:2

jayave omondo güeruruka Tecoa güi metei kuña ipoki yae oporombotavɨ vaerä vae, jare jei chupe: “Eyeapo kia omano ndeve rami, eyemonde temimonde mbɨatɨtɨ pegua pe, agüɨye eipichɨ ndeyé mbae ikäti kavi vae, eyeapo ɨma ma kia omano chugüi vae re ipɨatɨtɨ oiko rami.

ESTER 5:1

Jare mboapɨa ara pe Ester oyemonde kavi, jare oike mburuvicha guasu jo joka japɨpe pe, oyemboɨ mburuvicha guasu öke re katu oguapɨ oïa jóvai.

SALMOS 104:15

jókuae tembíu reta, omee vaerä mɨ̈rata chupe, vino, omboyerovia vaerä ipɨa, jare asaite pe jova jembipe kavi vaerä oyekuaa reta.

ECLESIASTÉS 9:8

Opaete ara rupi eyemonde avei temimonde tïi vae pe, jare eñono avei neäka re mbae ikäti kavi vae.

EZEQUIEL 16:9

Romboyau ɨ pe, jare ayoe tugüɨ oï nderé vae, aipichɨ mbae ikäti kavi vae nderé.

San Mateo 6:17

Ërei nde reyekuaku tembíu güi yave, eyuvae jare eyeavɨkɨ,

RUT 3:2

Booz jae ko orerëtara, jembiokuai kuña reta ndive nde reiko vae, kuae pɨ̈tu ojota kó pe ombaemboveve, omboyao vaerä cebada ipiregüe güi.

RUT 3:4

Jare emae kavi jese ketɨ ra oyapakuata oke vae, javoi ekua eipea itɨma, jare eyapakua joko pe; jare jae jeita ndeve mbae ko reyapota vae.