RUT 2:7 - Biblia Guarani Tumpa Iñee

⁷ Jae jei cheve: “Romoñera remaeño vaerä ayevɨka jare amboatɨ ombaepoo vae reta jaɨkue.” Jare oike ndeimbove güive kuae ora regua oputuumbae etei michi pegua yepe.

RUT 2:7 Iomraidhean Croise

PROVERBIOS 13:4

Iyakɨ vae oipota tëi mbae, ërei ngaraa oväe; ërei jäta ngatu vae, güɨnoita opaño mbaembae.

PROVERBIOS 15:33

YandeYa güiño yaipoɨu vae, yandemboe arakuaa katu re; yayemboeteuka vaerä, tenonde ikavi ko ñañemomichi.

PROVERBIOS 18:23

Paravete vae, imiari oporomoñera reve, ërei oikokatu vae, omboyevɨ iñeeasɨ katu reve.

PROVERBIOS 22:29

Iparavɨkɨ oyapo kavi vae, oyeokuaita mburuvicha guasu pe, mbaetɨta oparavɨkɨ oipotagüe pe.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

San Mateo 5:3

“Oyerovia ko jókuae iporiau iyeupe Tumpa kotɨ vae reta. Echa jae reta imbae ko araɨgua mborookuaía.

Romanos 12:11

Peparavɨkɨ peakɨmbae reve. Peräta ngatu avei peyeokuai yandeYa pe.

Gálatas 6:9

Jare agüɨye yandekuérai yayapo ikavi vae; echa mbaetɨ yandepɨtu yave, yaarɨvota iara pe.

Efesios 5:21

Peiko kavi oyoupi, peipoɨu reve Tumpa güi.

RUT 2:2

Metei ara Rut Moab pegua jei Noemí pe: —Romoñera remaeño vaerä aja kó pe ayevɨka, jókuae ipɨakavita omae cheré vae reta jaɨkue. —Ekuaño chemembɨ —jei chupe imesɨgüe.

RUT 2:21

Jare Rut Moab pegua jei: —Javoi jei vi cheve: Eyea cherembiokuai kuña reta ndive, kuae cheko pe opa regua mbaarɨvo.

RUT 2:6

Jare tembiokuai, ombaepoo vae reta itenondegua jei: —Jae ko kuñatai Moab pegua, Noemí ndive ou ɨvɨ Moab kotɨ güi vae.

RUT 2:8

Jayave Booz jei Rut pe: —Eyeapɨsaka, agüɨye ekua eyevɨka ïru kó rupi, agüɨye ave easa kuae güi; jare kuae pe eï cherembiokuai kuña reta ndive,