OSEAS 10:3 - Biblia Guarani Tumpa Iñee

³ Jayave kuae tëta jeita: “Mbaetɨ yanderuvicha guasu, mbaetɨ ramo yamboete yandeYa. Ërei metei mburuvicha guasu ngaraa yandemborɨ.

OSEAS 10:3 Iomraidhean Croise

OSEAS 10:15

Jökorai etei peasata pe Bet-el pe peiko vae reta, pereko kavimbae yae jeko pegua. ¡Mburuvicha guasu Israel pegua omanota köe yave!

OSEAS 13:11

Amee peruvicha guasu chearasɨ reve, jare apɨ̈ro ye pegüi chearasɨ reve.

OSEAS 10:7

Samaria juvicha guasu okañɨtei, ɨ tɨrɨyɨi opa okañɨ ɨ iárambo güi rami.

San Juan 19:15

Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

MIQUEAS 4:9

Añave ¿maera pa neräse mbatee kuña imembɨrasɨ vae rami? ¿Mbaetɨ pa nderuvicha guasu? ¿Ndemboarakuaa vae reta opa pa omano?

OSEAS 3:4

Echa ɨma rupi Israel iñemuña reta yogüɨrekota juvicha guasumbae, itenondeguambae ngaraa ma omee mɨmba oyeyukagüe, ngaraa ma oime mbae iä, ngaraa ma sacerdote reta omonde temimonde sacerdote pegua, ngaraa ma oime o rupigua tumpa-raanga reta.

GÉNESIS 49:10

Judá güi ngaraa kia ipuere opɨ̈ro mbaepuere, ngaraa vi ipo pegua oro pegua vae ave, ou regua Siloh, jókuae ipo pegua oro pegua iya, chupe opaete vae omeeta mbaemboete.

OSEAS 11:5

Ngaraa ma yogüɨraja ye ɨvɨ Egipto kotɨ. Asiria pegua etei ko oikota juvicha guasurä, echa mbaetɨ oyerova ye chekotɨ.

1 SAMUEL 12:25

Ërei ngatu peapɨäño yave peyapo ikavimbae, pekañɨteita peruvicha guasu ndive.

SALMOS 12:4

körai jei reta vae: “Ñaneñee rupi ñaporomoamɨrita ko, yandeyuru yandembae ko. Ngaraa kia ñanemokɨ̈rii.”

ISAÍAS 5:19

Pe reta pere: “Tumpa toyapo, jae oipota oyapo vae, yaecha vaerä; Israel pegua Tumpa Iyoambae toyapo jarembae pegua iyemongeta, yaikuaa vaerä.”

2 REYES 15:13

Uzías treinta y nueve año ma oiko mburuvicha guasurä Judá pe yave, Salum, Jabes taɨ omboɨpɨ oï mburuvicha guasurä Israel re; oiko metei yasɨ mburuvicha guasurä Samaria pe;

SALMOS 118:9

YandeYa re yayeko vae ko ikavi yae, mburuvicha reta re yayeko vae güi.

OSEAS 13:10

¿Ketɨ pa oime oï peruvicha guasu, pereroasayepe vaerä opaete perëta guasu reta ndive? ¿Ketɨ pa oime ñogüɨnoi peruvicha reta, chupe reta peiporu mburuvicha guasu jare mburuvicha reta vae?