NÚMEROS 9:22 - Biblia Guarani Tumpa Iñee

²² Ani amapɨtu opɨta yave mókoi ara, ani metei yasɨ, ani metei año tupao guakapi pegua iárambo, Israel iñemuña reta opɨta vi jeyupa pe, jare mbaetɨ omɨi reta; ërei amapɨtu oyemboɨvate yave, omboɨpɨ reta oguata.

NÚMEROS 9:22 Iomraidhean Croise

SALMOS 107:7

Javoi güɨraja isɨmbi, tëta guasu yogüɨrekota pɨpe vae pe.

SALMOS 143:10

Chemboe tayapo nderemimbota, echa nde ko jae cheTumpa, ¡ndeespíritu tachereraja sɨmbi rupi kavi!

SALMOS 32:8

YandeYa jei: “Romboeta jare aikuaaukata ndeve kërai reiko vaerä; ayangareko aveita nderé.

SALMOS 48:14

echa kuae Tumpa jae ko, oiko avei ñaneTumpa jekuae avei pegua vae. ¡Jae ko yandererajata kutɨ yé mano güi!

SALMOS 73:24

Chereroata ndeporomboarakuaa rupi, jare cherekove iyapɨ pe chemboresiveta ikavi rupi.

SALMOS 77:20

Reroatase ndembae vae reta vecha rami, Moisés jare Aarón rupi.

ÉXODO 39:42

Opaete mbaembae reta yandeYa oyókuai Moisés rami kavi, Israel iñemuña reta oyapo opaete mbaravɨkɨ.

ÉXODO 40:16

Moisés oyapo opaete yandeYa oyókuai rami kavi.

NÚMEROS 1:54

Jare Israel iñemuña reta oyapo opaete mbaembae yandeYa oyókuai Moisés vae rami.

NÚMEROS 8:20

Moisés, Aarón jare opaete Israel iñemuña reta oyapo Leví iñemuña reta pe, yandeYa oyókuai Moisés vae rami.

NÚMEROS 9:17

Amapɨtu oyemboɨvate tupao guakapi pegua iárambo güi yave, Israel iñemuña reta omboɨpɨ oguata; jare jókuae amapɨtu opɨtaa pe, jae reta oyembojeyupa.

NÚMEROS 9:21

Jare amapɨtu opɨta yave metei pɨ̈tuño, köe yave oyemboɨvate yave jae reta omboɨpɨ oguata; ani ara pe opɨta yave, pɨ̈tu yave oyemboɨvate, jökorai yave omboɨpɨ reta oguata.

Hechos 1:4

Jare jae oï vɨteri jae reta ndive yave, oyókuai agüɨye vaerä yogüɨraja tëta guasu Jerusalén güi. Oyókuai oäro vaerä yandeRu omeeta chupe reta vae. Echa jei chupe reta: —Jókuae re chemiari ma peve.