NÚMEROS 8:21 - Biblia Guarani Tumpa Iñee

²¹ Jare Leví iñemuña reta oyetɨo jare oputuka reta jemimonde; jare Aarón omee mbotarä yandeYa pe, oyapo chupe reta Tumpa iñɨ̈ro vaerä mbaeyoa re, oitɨo reta vaerä.

NÚMEROS 8:21 Iomraidhean Croise

ÉXODO 19:10

jare yandeYa jei Moisés pe: —Ekua emboyupavo jare toñeñono tee reta, añave jare pɨareve; toputuka reta jemimonde,

LEVÍTICO 14:11

Jare sacerdote oporotɨo oï vae, togüɨraja cheróvai oyetɨo vae mbota reta ndive, tupao guakapi pegua jöke pe.

NÚMEROS 19:12

Mboapɨa ara pe jare chiúa ara pe toyetɨo jókuae ɨ yetɨo pegua pe, jare tikɨambae topɨta Tumpa jóvai; ërei mboapɨa ara pe jare chiúa ara pe mbaetɨ oyetɨo yave, tikɨa topɨta.

NÚMEROS 19:19

Jókuae kuimbae ikɨambae oï vae toñapiramo, jókuae kuimbae ikɨa oï vae re mboapɨa ara pe jare chiúa ara pe; javoi chiúa ara pe oitɨo ma yave, jókuae ikɨa oiko vae toputuka jemimonde, jare jae etei toyeyoe vi ɨ pe; ërei tikɨa topɨta Tumpa jóvai pɨ̈tu regua.

NÚMEROS 3:12

“Mase, che aiparavo Leví iñemuña reta Israel iñemuña reta ipɨte güi, opaete membɨrɨpɨ kuimbae reta jekovia pe; jayave chembae ko Leví iñemuña reta,

NÚMEROS 8:15

Kuae jaɨkue rupi Leví iñemuña reta toyogüeru toparavɨkɨ tupao guakapi pegua pe. Eitɨo reta jare emee reta cheve mbotarä,

NÚMEROS 8:20

Moisés, Aarón jare opaete Israel iñemuña reta oyapo Leví iñemuña reta pe, yandeYa oyókuai Moisés vae rami.

NÚMEROS 8:22

Jökorai kuaekuae jaɨkue rupi, yogüeru Leví iñemuña reta oyapo vaerä iparavɨkɨ tupao guakapi pegua pe, Aarón jare taɨ reta iporookuai rupi; yandeYa oyókuai Moisés vae rami etei oyapo jae reta Leví iñemuña reta pe.

NÚMEROS 8:7

Körai eyapo chupe reta: Eñapiramo reta ɨ yetɨo pegua pe, toñapi reta opaete jete, jare toputuka reta jemimonde, jare tikɨambae topɨta reta Tumpa jóvai.