NÚMEROS 8:17 - Biblia Guarani Tumpa Iñee

¹⁷ Echa, chembae ko opaete Israel iñemuña reta taɨrɨpɨ, jaeramiño vi opaete jɨmba reta imembɨrɨpɨ kuimbae; Egiptoɨgua reta taɨrɨpɨ ayukauka güive añono tee cheyeupe opaete.

NÚMEROS 8:17 Iomraidhean Croise

SALMOS 105:36

¡Oyuka Egipto pe opaete membɨrɨpɨ, kuimbae taɨrɨpɨ reta!

SALMOS 135:8

Jae oyukauka membɨrɨpɨ kuimbae reta Egipto pe, jare mɨmba reta imembɨrɨpɨ vi.

SALMOS 78:51

¡Ombou mano opaete membɨrɨpɨ reta re Egipto pe! Cam iñemuña pegua membɨrɨpɨ reta re.

ÉXODO 12:29

Pɨare mbɨte rupi yandeYa güeru mano opaete membɨrɨpɨ kuimbae re ɨvɨ Egipto pe, Faraón taɨrɨpɨ oï mburuvicharä vae güive tembipɨɨ tembipɨɨrɨru pe oï vae taɨrɨpɨ ave, jare opaete mɨmba reta imembɨrɨpɨ kuimbae.

ÉXODO 13:2

“Peñono tee cheve opaete membɨrɨpɨ kuimbae, echa opaete Israel iñemuña reta taɨrɨpɨ chembae ko, jökorai vi opaete mɨmba reta imembɨrɨpɨ kuimbae.”

ÉXODO 29:44

Jare añono teeta tupao guakapi pegua jare mɨmba oyeyuka oyeapɨ jese vae; jökoraiño vi añono teeta Aarón jare taɨ reta, yogüɨreko vaerä chesacerdoterä.

EZEQUIEL 20:12

Aikuaauka vi chupe reta cheara mbutuu pegua, jókuae rupi ikañɨmaa vaerä tëi jae reta cheve, jare metei yemomaendúa che ko añono tee reta cheyeupeguarä vae.

LEVÍTICO 27:26

Ërei opaete mɨmba imembɨrɨpɨ reta, che peYa imbae ko membɨrɨpɨ jeko pegua, mbaetɨ kia ipuere oñono tee cheveguarä, toro, vecha ani kavara, echa chembae ko.

NÚMEROS 3:13

echa chembae ko opaete membɨrɨpɨ kuimbae reta. Ɨvɨ Egipto pe opa ayukauka membɨrɨpɨ kuimbae reta güive añono tee cheyeupe opaete membɨrɨpɨ kuimbae reta Israel iñemuña reta pegua, jaeramiño vi mɨmba imembɨrɨpɨ kuimbae reta, chembae ko. Che ko peYa.”

NÚMEROS 8:18

Aiparavo Leví iñemuña reta, Israel iñemuña reta taɨrɨpɨ jekovia pe.

San Lucas 2:23

Echa yandeYa iporookuai pe oyekuatía oï körai: “Kuña imembɨrɨpɨ kuimbae oa yave, michia oñeñono teeta yandeYa peguarä.”

San Juan 10:36

Jayave, ¿maera pa pere cheve: “Nde rere ikavimbae vae Tumpa kotɨ”? Echa jae: “Che ko jae Tumpa Taɨ.” Echa jae ko cheñono tee jare chembou ɨvɨ pe.

San Juan 17:19

Kuae reta jeko pegua añeñono tee ma ndeveguarä, jae reta vi oñeñono tee vaerä neñee añete vae rupi.

Hebreos 10:29

Vɨtei pa güɨröɨro iyeugüi Tumpa Taɨ vae reta, oiporara yaeta ko, jare güɨröɨro tugüɨ morogüɨrökuavee päve pegua vae, jókuae tugüɨ rupi ñaneñono tee tëi iyeupeguarä, jökorai güɨröɨro Espíritu ipɨakavi.

Hebreos 11:28

Iporogüɨrovia rupi Moisés oyapo Pascua jare oñapiramo öke reta tugüɨ pe, agüɨye vaerä araɨgua mano jerúa oyuka Israel iñemuña taɨrɨpɨ reta.

Santiago 1:18

Jae oipota ramo, yandeapo taɨ retarä iñee añete vae rupi, yaiko vaerä mbaagüɨyerɨpɨ rami chupeguarä opaete jembiapo güi.