NÚMEROS 7:10 - Biblia Guarani Tumpa Iñee

¹⁰ Jare mɨmba oyeyuka oyeapɨ jese vae oñono tee Tumpa pe vaerä yave, tenondegua reta güeru mbota, mɨmba oyeyuka oyeapɨ jese vae jóvai.

NÚMEROS 7:10 Iomraidhean Croise

1 REYES 8:63

Salomón omee yandeYa pe mɨmba oyeyukagüe yembopɨakatu pegua, veintidó mil toro jare ciento veinte mil vecha. Jökorai mburuvicha guasu jare opaete Israel iñemuña reta oñono tee yandeYa itupao.

2 CRÓNICAS 7:5

Jare mburuvicha guasu Salomón omee mɨmba oyeyukagüe vae: Veintidó mil toro jare ciento veinte mil vecha. Jökorai mburuvicha guasu jare opaete vae oñono tee reta tupao guasu Tumpa pe.

2 CRÓNICAS 7:9

Juría ara pe oyapo reta yemboatɨ guasu mbaemboete pegua, echa mɨmba oyeyuka oyeapɨ jese vae oñeñono tee vae omboarete reta chiu ara, jare chiu ara vi arete küaraɨa ñairaka pegua.

NEHEMÍAS 12:27

Tëta guasu Jerusalén ikësea oñeñono tee vaerä Tumpa peguarä yave, oekauka reta opaete levita reta ketɨ ketɨ ñogüɨnoia kotɨ güi, yogüeru vaerä Jerusalén pe oyapo reta jókuae ñeñono tee, jare arete mbaemboete pegua tairari ndive, tembiporu reta tairari pegua platillo, ngitara jare arpa raɨ reta ndive.

NEHEMÍAS 12:43

Jókuae ara omee reta jeta mɨmba oyeyukagüe Tumpa peguarä, jare oyerovia yae reta, echa Tumpa omee yerovia katu chupe reta; oyerovia vi kuña reta jare michia reta; jare jókuae yerovia katu oï Jerusalén pe vae matɨ oyeendu.

SALMOS 30:1

CheYa Tumpa, romboeteta, echa nde chereepɨ, mbaetɨ remaeño cherovaicho reta cheyóyai yóyai.

NÚMEROS 7:1

Moisés opa ma omopüa tupao guakapi pegua yave, oñapiramo olivo iasaite pe oñono tee vaerä Tumpa peguarä, opaete pɨpegua tembiporu reta ndive, jaeramiño vi mɨmba oyeyuka oyeapɨ jese vae oñapiramo olivo iasaite pe oñono tee vaerä, opaete jembiporu reta ndive,

NÚMEROS 7:11

Jayave yandeYa jei Moisés pe: “Mɨmba oyeyuka oyeapɨ jese vae oñeñono tee vaerä cheve yave, ara ñavo metei tenondegua tomee mbota, jare pɨareve pe tomee ïru vae.”

NÚMEROS 7:84

Jökorai, Israel pe tenondegua reta omee mbota, mɨmba oyeyuka oyeapɨ jese vae oñeñono tee Tumpa pe vaerä yave: Doce ñae korepoti pegua, doce tasa guasu korepoti pegua, doce kuchara guasu oro pegua.

NÚMEROS 7:88

Opaete reve mbota yembopɨakatu peguarä vae, jae ko veinticuatro toro, sesenta vecha kuimbae, sesenta kavara kuimbae, jare sesenta vecha kuimbae taɨrusu vae metei año vae reta. Kuaekuae ko jae mbota reta oñemeegüe, mɨmba oyeyuka oyeapɨ jese vae oñeñono tee Tumpa pe vaerä yave.

DEUTERONOMIO 20:5

Jaɨkue rupi timiari mburuvicha reta, jare tei: ‘Oime yave pegüi reta kia omopüa jorä ipɨau vae jare ndeiño oiko pɨpe, tojo ye; güɨramoi omano ñeraro pe jare ambuae vaei oiko pɨpe.