NÚMEROS 7:1 - Biblia Guarani Tumpa Iñee

¹ Moisés opa ma omopüa tupao guakapi pegua yave, oñapiramo olivo iasaite pe oñono tee vaerä Tumpa peguarä, opaete pɨpegua tembiporu reta ndive, jaeramiño vi mɨmba oyeyuka oyeapɨ jese vae oñapiramo olivo iasaite pe oñono tee vaerä, opaete jembiporu reta ndive,

NÚMEROS 7:1 Iomraidhean Croise

GÉNESIS 2:3

Jökorai Tumpa iporerekua chiúa ara re, jare oñono tee iyeupeguarä, echa jókuae ara oputuu opaete jembiapo güi, oyapo güire opaete mbaembae.

1 REYES 8:64

Jókuae ara voi mburuvicha guasu oñono tee oka mbɨte, yandeYa itupao jóvai oï vae, echa joko pe omee mɨmba oyeyukagüe opaetei oyeapɨ vae, mbota temitɨ jäɨgüe jare mɨmba oyeyukagüe yembopɨakatu pegua ikɨragüe, echa michi opɨta mɨmba oyeyuka oyeapɨ jese vae jiero iyu vae pegua yandeYa jóvai oï vae, mbaetɨ iyave opaete mɨmba oyeyukagüe opaetei oyeapɨ vae, mbota temitɨ jäɨgüe, mɨmba oyeyukagüe yembopɨakatu pegua ikɨragüe.

ÉXODO 13:2

“Peñono tee cheve opaete membɨrɨpɨ kuimbae, echa opaete Israel iñemuña reta taɨrɨpɨ chembae ko, jökorai vi opaete mɨmba reta imembɨrɨpɨ kuimbae.”

ÉXODO 29:36

Ara ñavo emee toro taɨrusu vae mbaeyoa regua, mɨmba oyeyukagüe mbaeyoa oyemboai vaerä, jare eitɨo mɨmba oyeyuka oyeapɨ jese vae, mɨmba oyeyukagüe mbaeyoa oyemboai vae pe jare epɨyere jese asaite reñono tee vaerä.

ÉXODO 40:11

Epɨyere vi jókuae asaite ɨrɨru re jare iguapɨka re, jökorai eñono tee.

NÚMEROS 17:2

“Ere Israel iñemuña reta pe, metei ñemuña ñavo güi mburuvicha reta togüeru ndeve metei popoka; doce popoka reta metei tu ñavo vae rupi; jare eikuatía ipopoka ñavo re jee.

NÚMEROS 7:10

Jare mɨmba oyeyuka oyeapɨ jese vae oñono tee Tumpa pe vaerä yave, tenondegua reta güeru mbota, mɨmba oyeyuka oyeapɨ jese vae jóvai.

NÚMEROS 7:84

Jökorai, Israel pe tenondegua reta omee mbota, mɨmba oyeyuka oyeapɨ jese vae oñeñono tee Tumpa pe vaerä yave: Doce ñae korepoti pegua, doce tasa guasu korepoti pegua, doce kuchara guasu oro pegua.

NÚMEROS 7:88

Opaete reve mbota yembopɨakatu peguarä vae, jae ko veinticuatro toro, sesenta vecha kuimbae, sesenta kavara kuimbae, jare sesenta vecha kuimbae taɨrusu vae metei año vae reta. Kuaekuae ko jae mbota reta oñemeegüe, mɨmba oyeyuka oyeapɨ jese vae oñeñono tee Tumpa pe vaerä yave.

San Mateo 23:19

¡Yarakuaambae reta, jesambae vae reta! ¿Mbae pa yambotenondeta mbota pa ani mɨmba oyeyukagüe oyeapɨ jese vae pa?, echa mɨmba oyeyukagüe oyeapɨ jese vae ko oñono tee mbota.