NÚMEROS 4:24 - Biblia Guarani Tumpa Iñee

²⁴ Kuae ko jae Gersón iñemuña reta iparavɨkɨrä jare güɨraja vaerä:

NÚMEROS 4:24 Iomraidhean Croise

NÚMEROS 10:17

Jare opa güire oekɨ reta tupao guakapi pegua, Gersón iñemuña reta jare Merari iñemuña reta omboɨpɨ oguata, echa jae reta ipo pe opɨta güɨraja vaerä.

NÚMEROS 3:25

Jae reta oparavɨkɨ ramboeve tupao guakapi pegua pe, toyangareko jese jare iyasoika re, jare jókuae jöke regua asoya re,

NÚMEROS 3:26

jare joka oñekëse pɨpe vae jare jöke regua asoya mɨmba oyeyuka oyeapɨ jese vae iyɨpɨ pe oï vae re; jaeramiño vi iñapɨtía reta, oyeporu aveita vae.

NÚMEROS 4:15

Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

NÚMEROS 4:19

Oikoveño reta vaerä oyavɨkɨ yave mbaembae oñeñono tee kavi yae vae; kuae peyapo jae reta ndive: Aarón jare taɨ reta toyogüeru tomee metei ñavo pe iparavɨkɨ ae jare ivoɨta aerä.

NÚMEROS 4:23

treinta año güɨnoi vae güi kutɨ cincuenta año güɨnoi vae pe eipapa, opaete ipuere oyapo tupao guakapi pegua pe mbaravɨkɨ vae reta.

NÚMEROS 4:25

Togüɨraja reta tupao guakapi pegua iyasoika reta, iyasoika iarambogua, jare iarambogua ete mɨmba pire ikavi yae vae güɨnoi vae, jare jöke regua asoya,

NÚMEROS 4:27

Aarón jare taɨ reta ipo igüɨ pe Gersón iñemuña reta toparavɨkɨ; pe reta pemombeuta chupe reta opaete jae reta iparavɨkɨrä.

NÚMEROS 4:47

treinta año güɨnoi vae güi kutɨ cincuenta año güɨnoi vae pe; opaete ipuere oyapo tupao guakapi pegua pe mbaravɨkɨ vae reta,

NÚMEROS 4:49

YandeYa oyókuai Moisés vae rami oyepapa reta, metei ñavo pe oñemee iparavɨkɨ aerä jare ivoɨta aerä; jökorai Moisés oipapa yandeYa oyókuai vae rami.

NÚMEROS 7:7

Gersón iñemuña reta pe omee mókoi käretou jare irundɨ güeye, iparavɨkɨrä oñemee rupi,