NÚMEROS 4:18 - Biblia Guarani Tumpa Iñee

¹⁸ “Agüɨye pemaeño topa tokañɨtei Coat iñemuña reta jëtara reta Leví iñemuña reta ipɨte güi.

NÚMEROS 4:18 Iomraidhean Croise

ÉXODO 19:21

YandeYa jei Moisés pe: —Egüeyɨ ekua ere Israel iñemuña reta pe, agüɨye toasa reta jókuae oyembojaanga oï vae chereecha reta vaerä, echa jeta yae ko omanota chugüi reta.

ÉXODO 30:33

Kia nunga vae oyapo yave kuae rami etei mbae ikäti kavi vae, jare opɨyere yave oipotagüe kuimbae re, toyemombo ete kavi jëtara reta ipɨte güi.’ ”

ÉXODO 30:38

Kia nunga vae oyapo yave kuae rami etei oëtu vaerä, toyemombo ete kavi jëtara reta ipɨte güi.”

JEREMÍAS 38:23

Jare Jeremías jei ye mburuvicha guasu pe: —Opaete nderembireko jare nemichia reta oñemeeta Caldeaɨgua reta ipo pe, jare nde ngaraa retekuarai chugüi reta, reata Babilonia pegua mburuvicha guasu ipo pe, jare oapɨ retata kuae tëta guasu.

NÚMEROS 16:32

Ɨvɨ oyepeka, jare opa omókoi jókuae reta, opaete jo pegua reta, opaete kuimbae Coré jupiegua, jare opaete imbaembae.

NÚMEROS 17:10

Jare yandeYa jei Moisés pe: “Eraja ye Aarón ipopoka käjou yemomaendúa pegua jóvai, oñeñovatu vaerä ipɨarai vae reta oecha vaerä. Jökorai emokïrii cheróvai güi, agüɨye vaerä omano reta.”

NÚMEROS 18:5

pe reta peyapo mbaravɨkɨ o mbaemboetea pegua jare mɨmba oyeyuka oyeapɨ jese vae pegua, agüɨye vaerä mo ou arasɨ Israel iñemuña reta re.

NÚMEROS 3:27

Coat iñemuña pegua ko Amram iñemuña reta, Izhar iñemuña reta, Hebrón iñemuña reta jare Uziel iñemuña reta.

NÚMEROS 4:17

YandeYa jei vi Moisés pe jare Aarón pe:

NÚMEROS 4:19

Oikoveño reta vaerä oyavɨkɨ yave mbaembae oñeñono tee kavi yae vae; kuae peyapo jae reta ndive: Aarón jare taɨ reta toyogüeru tomee metei ñavo pe iparavɨkɨ ae jare ivoɨta aerä.

1 SAMUEL 6:19

Jayave yandeYa oyuka jókuae kuimbae reta Bet-semes pegua reta, echa omae reta yandeYa ikäjou japɨpe re, omano reta chugüi setenta kuimbae. Jare täta oyaeo reta, echa yandeYa jeta oyukaɨvɨ.