NÚMEROS 4:15 - Biblia Guarani Tumpa Iñee

¹⁵ Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

NÚMEROS 4:15 Iomraidhean Croise

2 SAMUEL 15:24

Ojo vi jae reta ndive Sadoc jare ïru Leví iñemuña reta Tumpa ikäjou morogüɨrökuavee päve pegua ivoɨa reta ndive. Jare Abiatar ojo vi opaete vae opa ñogüɨnoe yogüɨraja tëta guasu güi yave.

2 SAMUEL 6:13

Jare jókuae Tumpa ikäjou jerajaa reta omboɨpɨ mi ramo oguata reta yave, ova ramo ipɨ güɨrosɨrɨ reta yave, David oyuka omee Tumpa pe metei güeye jare metei vecha kuimbae oyemongɨragüe.

1 REYES 8:3

Yogüeru oväe opaete Israel iñemuña itenondegua reta, jare sacerdote reta oipɨɨ käjou

1 CRÓNICAS 15:15

Javoi levita reta güɨroyakavo yandeYa Israel iTumpa ikäjou iyatiɨ re ɨvɨra re, Moisés oporookuai Tumpa jei vae rupi rami.

1 CRÓNICAS 15:2

Jayave jae jei: “Levita reta güi mbaetɨ yé kia güɨrajata Tumpa ikäjou, echa yandeYa oiparavo jae reta güɨraja vaerä yandeYa ikäjou jare oyeokuai avei vaerä chupe.”

1 CRÓNICAS 23:26

Jáeramo levita reta ngaraa ma güɨroyakavo ye tupao guakapi pegua ani tembiporu reta Tumpa iparavɨkɨ pegua vae.”

ÉXODO 19:12

Embojaanga eñono chupe reta ɨvɨtɨ iyɨ́vɨri rupi, rere reve chupe reta: Peyeandu, agüɨye peyeupi ɨvɨtɨ re, jare agüɨye ave peya yepe jókuae oñejäa oï vae re, oipotagüe oasa yave jókuae, tomano.

ÉXODO 19:21

YandeYa jei Moisés pe: —Egüeyɨ ekua ere Israel iñemuña reta pe, agüɨye toasa reta jókuae oyembojaanga oï vae chereecha reta vaerä, echa jeta yae ko omanota chugüi reta.

ÉXODO 27:7

Jare ɨvɨra oyepɨasa vae reta toñeësɨvo argolla reta rupi, jare toñogüɨnoi mɨmba oyeyuka oyeapɨ jese vae iyɨke yɨke re, ipuere vaerä oyereraja.

LEVÍTICO 16:13

Jare toñono jókuae ikäti kavi vae incienso tata pe, cheróvai, jare jätati toñova ñɨ̈ro renda, käjou yemomaendúa pegua iárambo oï vae. Jökorai agüɨye vaerä omano sacerdote Aarón.

NÚMEROS 1:50

Eñono Leví iñemuña reta tupao guakapi pegua pe oporomborɨ reta vaerä, toyangareko reta opaete mbaembae joko pegua re; jae reta togüɨraja tupao guakapi pegua jare opaete mbaembae joko pegua, jae reta toporomborɨ joko pe. Jare toyembojeyupa reta iyɨ́vɨri.

NÚMEROS 1:51

Jare jókuae tupao guakapi pegua oyereroyakavota yave, Leví iñemuña reta topa toekɨ, jare jae reta tomopüa ye peyembojeyupataa pe; jare oipotagüeño oya yave jese tomano.

NÚMEROS 10:21

Jaɨkue rupi omboɨpɨ oguata Coat iñemuña reta, güɨraja reve ivoɨta o mbaemboetea pegua; jare jae reta ndei opa yogüɨraja oväe mbove, ïru reta opa ma oyatɨka ye tupao guakapi pegua.

NÚMEROS 18:3

Jare toyapo reta nde reyókuai vae, jare opaete mbaravɨkɨ tupao guakapi pegua ërei agüɨye toya reta tembiporu oñeñono tee vae re, ani mɨmba oyeyuka oyeapɨ jese vae re, agüɨye vaerä omano, jae reta jare pe reta.

NÚMEROS 3:38

Tupao guakapi pegua güi kuaraɨ oëa kotɨ toyembojeyupa Moisés, Aarón jare taɨ reta, jae reta toyangareko o mbaemboetea re ïru Israel iñemuña reta jekovia pe. Oipotagüeño oyapo yave jókuae mbaravɨkɨ, tomano.

NÚMEROS 4:14

Jare toñono reta iárambo tembiporu reta joko pe oyeporu vae: sɨpe reta, tɨ̈ai reta, tätapɨi oyemboyeupi pɨpe vae reta, jare tasa guasu reta, jare opaete ïru tembiporu reta jókuae mɨmba oyeyuka oyeapɨ jese vae pe oyeporu vae; jare toyasoi reta mɨmba pire ikavi yae vae pe, jare toñono reta jese iɨ reta.

NÚMEROS 4:19

Oikoveño reta vaerä oyavɨkɨ yave mbaembae oñeñono tee kavi yae vae; kuae peyapo jae reta ndive: Aarón jare taɨ reta toyogüeru tomee metei ñavo pe iparavɨkɨ ae jare ivoɨta aerä.

NÚMEROS 4:20

Agüɨye toike reta tomae peñova peï yave mbaembae oñeñono tee vae re, agüɨye vaerä omano reta.”

NÚMEROS 7:9

Ërei Coat iñemuña reta pe mbaetɨ omee käretou jare güeye, echa iyatiɨ re ko güɨroata retata ivoɨta o mbaemboetea pegua.

DEUTERONOMIO 31:9

Moisés oikuatía kuae mborookuai, jare omee sacerdote Leví iñemuña reta pe, käjou yandeYa iporogüɨrökuavee päve pegua ivoɨa reta, jare Israel iñemuña reta itenondegua reta pe,

JOSUÉ 4:10

Ërei sacerdote reta, käjou güɨraja vae reta oyemboɨ ɨ̈ aka Jordán mbɨte pe, Israel iñemuña reta opa oyapo regua yandeYa oyókuai reta Josué rupi vae. Opaete mbaembae oyeapo Moisés oyókuai Josué rami. Jare opaete vae iyandeko oasa ɨ̈ aka Jordán,

1 SAMUEL 6:19

Jayave yandeYa oyuka jókuae kuimbae reta Bet-semes pegua reta, echa omae reta yandeYa ikäjou japɨpe re, omano reta chugüi setenta kuimbae. Jare täta oyaeo reta, echa yandeYa jeta oyukaɨvɨ.