NÚMEROS 4:14 - Biblia Guarani Tumpa Iñee

¹⁴ Jare toñono reta iárambo tembiporu reta joko pe oyeporu vae: sɨpe reta, tɨ̈ai reta, tätapɨi oyemboyeupi pɨpe vae reta, jare tasa guasu reta, jare opaete ïru tembiporu reta jókuae mɨmba oyeyuka oyeapɨ jese vae pe oyeporu vae; jare toyasoi reta mɨmba pire ikavi yae vae pe, jare toñono reta jese iɨ reta.

NÚMEROS 4:14 Iomraidhean Croise

2 CRÓNICAS 4:19

Jökorai Salomón oyapo opaete tembiporu reta, Tumpa itupao guasu peguarä, jare ikäti kavi vae incienso oyeapɨ jese vae oro pegua, jare mesa oro pegua mbɨyape reta mbaemboete pegua oñeñono jese vae,

ÉXODO 27:1

Toyapo reta vi mɨmba oyeyuka oyeapɨ jese vae ɨvɨra käti pegua, ipɨgüe togüɨnoi mókoi metro veinticinco centímetro päve irundɨ reve iyɨke, jare ɨvategüe togüɨnoi metei metro veinticinco centímetro.

ÉXODO 27:3

Opaete mɨmba oyeyuka oyeapɨ jese vae pegua tembiporu reta, toyeapo jiero iyu vae pegua, tanimbu jɨru, sɨpe, tasa guasu, tätapɨi imomboa jare tätapɨi jɨru.

NÚMEROS 4:13

Toitɨo reta tanimbu mɨmba oyeyuka oyeapɨ jese vae güi, jare toyasoi reta temimonderä vae vecharaagüe pegua pɨ̈taasɨ vae pe.

NÚMEROS 4:15

Jare Aarón jare taɨ reta opa güire oñono kavi o mbaemboetea oyereraja vaerä jare opaete ïru tembiporu reta yave, jaema oguata retata yave, toyogüeru Coat iñemuña reta, güɨraja reta vaerä. Ërei agüɨye toyavɨkɨ reta mbae oñeñono tee Tumpa peguarä vae, agüɨye vaerä omano reta. Opaete kuae mbaembae tupao guakapi pegua jae Coat iñemuña reta ivoɨtarä.

NÚMEROS 4:6

jare iárambo toñono reta mɨmba pire ikavi yae vae jare jókuae iárambo toñono reta temimonderä vae vecharaagüe pegua jovɨ vae jare toñono reta jese iɨ reta.