NÚMEROS 4:12 - Biblia Guarani Tumpa Iñee

¹² Toupi reta opaete tembiporu o mbaemboetea pegua jare toñono reta temimonderä vae vecharaagüe pegua jovɨü vae pe, jare toyasoi reta mɨmba pire ikavi yae vae pe, jare tomboiɨ reta iyeupe, oyóvai jese vaerä.

NÚMEROS 4:12 Iomraidhean Croise

1 CRÓNICAS 9:28

Amogüe chugüi reta oyangareko tembiporu mbaemboetea pe oyeporu vae re, kuae jae güɨnoeta jare oñovatu yeta oipapa kavi reve.

1 CRÓNICAS 9:29

Ïru reta oyangareko ïru tembiporu reta re, jare mbae oñeñono tee Tumpa peguarä vae re, jare trigokúi, uva tɨɨgüe, asaite, ikäti kavi vae incienso jare ikäti kavi vae.

2 CRÓNICAS 4:11

Hiram oyapo vi yapepo reta, sɨpe reta jare tasa guasu reta. Jökorai Hiram opa oyapo mbaravɨkɨ mburuvicha guasu Salomón pe, Tumpa itupao guasu peguarä.

2 CRÓNICAS 4:16

jare yapepo reta, sɨpe reta, tɨ̈ai reta. Hiram-abi oyapo opaete tembiporu reta jiero iyu vae ikavi yae vae pegua mburuvicha guasu Salomón pe, yandeYa itupao guasu peguarä.

2 CRÓNICAS 4:19

Jökorai Salomón oyapo opaete tembiporu reta, Tumpa itupao guasu peguarä, jare ikäti kavi vae incienso oyeapɨ jese vae oro pegua, jare mesa oro pegua mbɨyape reta mbaemboete pegua oñeñono jese vae,

2 CRÓNICAS 4:22

mechero imecha oyeasɨa pɨpe vae tenasa reta, tasa guasu reta, kuchara reta, jare tätapɨi rɨru reta oro oyeambae pegua. Jare oro pegua vi yaikea öke japɨpe, tupao guasu japɨpe oñeñono tee kavi yae vae, jare jöke reta.

ÉXODO 25:5

vecha kuimbae pire oñemopɨ̈ta vae, mɨmba pire ikavi yae vae, ɨvɨra käti,

ÉXODO 25:9

Toyapo reta tupao guakapi pegua jare tembiporu reta, che opaete aechauka iä ndeve rami kavi.

ÉXODO 31:10

temimonde oñeñono tee vae sacerdote Aarón peguarä jare taɨ reta peguarä, mbaravɨkɨ sacerdote pegua oyapo reta yave omonde vaerä,

NÚMEROS 3:8

jare toyangareko reta opaete mbaembae tupao guakapi pegua pe oï vae re, jare opaete mbaembae Israel iñemuña reta oyókuai jese vae re, jare toyapo reta mbaravɨkɨ tupao guakapi pegua pe.

NÚMEROS 4:11

Ikäti kavi vae incienso oyeapɨ jese vae oro pegua iárambo toñono reta temimonderä vae vecharaagüe pegua jovɨü vae jare toyasoi reta mɨmba pire ikavi yae vae pe, jare toñono reta jese iɨ reta.

NÚMEROS 4:13

Toitɨo reta tanimbu mɨmba oyeyuka oyeapɨ jese vae güi, jare toyasoi reta temimonderä vae vecharaagüe pegua pɨ̈taasɨ vae pe.

NÚMEROS 4:6

jare iárambo toñono reta mɨmba pire ikavi yae vae jare jókuae iárambo toñono reta temimonderä vae vecharaagüe pegua jovɨ vae jare toñono reta jese iɨ reta.

NÚMEROS 4:7

Jare mesa mbaemboete pegua iárambo toñono reta temimonderä vae vecharaagüe pegua jovɨü vae, jare iárambo toñono ñae reta, kuchara reta, kopa reta, tasa guasu reta vino mbota oyepɨyere pɨpe vae, jare mbɨyape toï avei iárambo.

NÚMEROS 4:9

Jare toyasoi reta temimonderä vae vecharaagüe pegua jovɨü vae pe mechero renda, mechero reta, mechero imecha oyeasɨa pɨpe vae tenasa reta, iñae raɨ raɨ, jare opaete tembiporu reta olivo iasaite oñeñono pɨpe vae;