NÚMEROS 31:3 - Biblia Guarani Tumpa Iñee

³ Jayave Moisés jei opaete vae pe: —Pegüi ambuaegüe reta toyupavo jembiporu reve reve ñeraro peguarä, jare toyogüɨraja toporepeña Madián pegua reta re, toyepɨ yandeYa jee re.

NÚMEROS 31:3 Iomraidhean Croise

2 REYES 10:30

YandeYa jei Jehú pe: “Reyapo jupi vae cheresa jóvai jeko pegua, reyapo Acab iñemuña reta pe opaete chepɨa rupi ayemongeta rami kavi, nderaɨ reta oguapɨta mburuvicha guasurä Israel pe irundɨ ñemuña reta regua.”

2 REYES 9:7

Nde opata nderuvicha Acad iñemuña reta remboai, jökorai reyepɨta cheñeemombeúa reta jare opaete ïru cherembiokuai reta imano re, Jezabel oyukagüe reta.

ÉXODO 17:16

jare jei: “¡Amalec iñemuña reta opüa yandeYa iguapɨka kotɨ jeko pegua! ¡YandeYa güɨnoita ñeraro Amalec iñemuña reta ndive jekuae avei pegua!”

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

JEREMÍAS 50:28

Babilonia güi otekuaraigüe reta yogüeru oväe Sión pe vae imiari, kërai yandeYa Tumpa oiporarauka Babilonia pe, itupao pe oyapogüe re.

LEVÍTICO 26:25

Ambouta peve ñeraro, ayepɨ vaerä mbaetɨ ramo perovia cheporogüɨrökuavee päve re, jare peeka yave perëta guasu rupi ñepɨ̈roka, che amondota mbaerasɨ ovakatu vae pepɨte pe, jare peñemoamɨriukata perovaicho reta pe.

NÚMEROS 25:11

—Finees Eleazar taɨ, sacerdote Aarón jɨmɨmino omombɨta chearasɨ Israel iñemuña reta kotɨ, echa jae jägüɨro vi che rami jese reta. Jáeramo, cherägüɨro rupi mbaetɨ opa amboai Israel iñemuña reta.

NÚMEROS 25:13

güɨnoita jae jare iñemuña reta jae jaɨkue rupi, morogüɨrökuavee sacerdote pegua jekuae avei pegua, jägüɨro cheré jeko pegua jare oyapo Israel iñemuña reta re Tumpa iñɨ̈ro vaerä mbaeyoa re.

NÚMEROS 31:4

Opaete Israel iñemuña reta güi ñemuña ñavo tomondo mil kuimbae reta ñeraro pe.

JUECES 5:2

“Opaete vae tomboete yandeYa, echa oime vɨteri Israel pe mburuvicha reta oïndaivi ñeraro peguarä vae; echa oime vɨteri opaete vae ipɨte pe ikɨ̈reɨ ojo ñeraro pe vae.

JUECES 5:23

Jare yandeYa iaraɨgua omoërakua: ‘¡Yepopeyu toï tëta Meroz re jare pɨpe yogüɨreko vae reta re!’ Echa mbaetɨ yogüeru omborɨ yandeYa, imbaepuere yae vae reta kotɨ.