NÚMEROS 3:7 - Biblia Guarani Tumpa Iñee

⁷ toyapo reta jae oyókuai vae, jare opaete vae oyókuai vae tupao guakapi pegua pe, oyapo reta vaerä tupao guakapi pegua mbaravɨkɨ;

NÚMEROS 3:7 Iomraidhean Croise

1 CRÓNICAS 26:20

Levita reta güi, Ahías ipo pe opɨta oyangareko vaerä Tumpa jo pe mbaembae jepɨ vae re, jare mbaembae jepɨ vae oñeñono tee Tumpa peguarä vae oñeñovatúa re.

1 CRÓNICAS 26:22

Jehiel taɨ reta, jare tɨvɨ reta Zetam jare Joel taɨ reta güɨnoi ipo pe oyangareko vaerä yandeYa jo pe mbaembae jepɨ vae oñeñovatúa re.

1 CRÓNICAS 26:26

Selomit jëtara reta ndive güɨnoi ipo pe oyangareko vaerä opaete mbaembae David jare tëtara itenondegua reta, sundaro itenondegua reta, jare jeta vae reta itenondegua, sundaro ruvicha itenondegua reta oñono tee reta Tumpa peguarä vae oñeñovatúa re.

LEVÍTICO 8:35

Chiu ara peï tupao guakapi pegua jöke pe, ara pe jare pɨ̈tu yave. Peyapo yandeYa iporookuai agüɨye vaerä pemano, echa jökorai cheokuai yandeYa jae vaerä peve.”

NÚMEROS 1:50

Eñono Leví iñemuña reta tupao guakapi pegua pe oporomborɨ reta vaerä, toyangareko reta opaete mbaembae joko pegua re; jae reta togüɨraja tupao guakapi pegua jare opaete mbaembae joko pegua, jae reta toporomborɨ joko pe. Jare toyembojeyupa reta iyɨ́vɨri.

NÚMEROS 1:53

ërei Leví iñemuña reta toyembojeyupa tupao guakapi pegua iyɨ́vɨri oäro reta vaerä; agüɨye vaerä Tumpa iyarasɨ oa Israel iñemuña reta re.”

NÚMEROS 3:32

Jare Leví iñemuña reta itenondegua reta juvicha ko jae Eleazar, sacerdote Aarón taɨ, jae oyangareko o mbaemboetea pe oparavɨkɨ vae reta re.

NÚMEROS 3:8

jare toyangareko reta opaete mbaembae tupao guakapi pegua pe oï vae re, jare opaete mbaembae Israel iñemuña reta oyókuai jese vae re, jare toyapo reta mbaravɨkɨ tupao guakapi pegua pe.

NÚMEROS 31:30

Jare jókuae Israel iñemuña reta imbaerä vae güi, cincuenta güi metei, kuimbae ani güeye yepe, mburika ani vecha jare oipotagüe mɨmba jare pemee Leví iñemuña reta chero pe oparavɨkɨ vae reta pe.”

NÚMEROS 8:11

Jare Aarón tomee mbotarä Leví iñemuña reta cheve, Israel iñemuña reta ipo güi mbota oñemee rami ko, jökorai Leví iñemuña reta toyogüɨreko oyeokuai vaerä cheve.

NÚMEROS 8:15

Kuae jaɨkue rupi Leví iñemuña reta toyogüeru toparavɨkɨ tupao guakapi pegua pe. Eitɨo reta jare emee reta cheve mbotarä,