NÚMEROS 28:3 - Biblia Guarani Tumpa Iñee

³ Ere chupe reta: Kuae ko jae mbota oyeapɨ vae pemee vaerä yandeYa pe: Mókoi vecha kuimbae taɨrusu vae, jete kavi vae, metei año vae, ara ñavo toyeapo mɨmba oyeyukagüe opaetei oyeapɨ vae.

NÚMEROS 28:3 Iomraidhean Croise

1 CRÓNICAS 16:40

omee avei reta vaerä mɨmba oyeyuka opaetei oyeapɨ vae mɨmba oyeyuka oyeapɨ jese vae re ndeimbove yave jare kaaru yave, oyekuatía oï yandeYa omee mborookuai Israel pe vae rami.

2 CRÓNICAS 8:13

oñemee vaerä jese mbota reta iara pe, Moisés mborookuai omee rami, jae ko: Ara mbutuu reta ñavo pe, yasɨ pɨau ñavo pe, jare arete reta mbaemboete pegua año pe mboapɨ oyeapo vae, jae ko: Arete mbɨyape oyembovumbae pegua, arete chiu ara oyeapo vae pegua jare arete küaraɨa ñairaka pegua.

ESDRAS 3:5

Jaeramiño omee reta avei mɨmba oyeyukagüe opaetei oyeapɨ vae, yasɨ pɨau reta pe, jare opaete arete mbaemboete pegua yandeYa pe vae, jare opaete mɨmba oyeyukagüe jare amogüe omee mbota ipɨa-kɨ̈reɨ ngatu reve yandeYa pe vae.

DANIEL 11:31

Isundaro reta mbaetɨ eteita omboete o mbaemboetea jare ikësea, oyopia reta agüɨye vaerä ma oñemee mɨmba oyeyuka oñemee ara ñavo vae jare oyapo retata joko pe ikavimbae yae vae.

DANIEL 12:11

Mil dosciento noventa ara oasata oyeopia güire mɨmba oyeyuka oñemee ara ñavo vae, mbae ikavimbae yae oyeapo vae ou regua oväe.

DANIEL 8:11

jare jókuae yasɨtata reta Iyapoa pe ave oyembotuicha; oyopia mɨmba reta oyeyuka oñemee Tumpa pe ara ñavo vae jare omboeteä o mbaemboetea.

DANIEL 8:13

Javoi aendu metei araɨgua oparandu ïru araɨgua aendu imiari vae pe, jei: ‘¿Kërai yave pa iyapɨta kuae ara ñavo mɨmba oyeyuka oyeapɨ jese vae re oyekuaa vae? ¿Kërai regua pa oikota mbaeyoa yavaete yae vae yandeYa jo mbaemboetea pe jare jese oporogüɨrovia vae opa vaerä oñemokañɨteiuka?’

LEVÍTICO 3:5

Opaete kuae reta Aarón taɨ reta toapɨ mɨmba oyeyuka oyeapɨ jese vae re, mɨmba oyeyukagüe opaetei oyeapɨ vae ndive, yepea tata pe oï vae iárambo; mbota ipiche katu vae ko cheveguarä.

LEVÍTICO 6:9

“Eyókuai Aarón jare taɨ reta, jare ere chupe reta: Kuae jae mborookuai reta kërai oyeapo vaerä mɨmba oyeyukagüe opaetei oyeapɨ vae. Jókuae mɨmba oyeapɨta vae toï tata iárambo mɨmba oyeyuka oyeapɨ jese vae re opaete pɨ̈tu köe regua, agüɨye togüe tata.

AMÓS 4:4

“Pekua Bet-el pe peyoa peikuaa reve, pemoïru pepɨapochɨ Gilgal pe, peru ndeimbove yave mɨmba oyeyukata vae, jare pediezmo mboapɨ ara ñavo.

NÚMEROS 28:10

Kuae ko jae ara mbutuu pegua ñavo pe mɨmba oyeyukagüe opaetei oyeapɨ vae; oñemee reve mɨmba oyeyukagüe opaetei oyeapɨ ara ñavo vae, vino oyepɨyere vae ndive.

NÚMEROS 28:15

Toñemee vi yandeYa pe metei kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, vino oyepɨyere vae ndive.

NÚMEROS 28:23

Kuae pemee vi jókuae mɨmba oyeyukagüe opaetei oyeapɨ vae ndeimbove ñavo oñemee reve.

NÚMEROS 28:24

Körai pemee jókuae chiu ara oikota arete vae pe, tembíu jare mbota oyeapɨ vae jare ipiche katu yandeYa peguarä vae. Kuae toñemee vino oyepɨyere vae ndive, mɨmba oyeyukagüe opaetei oyeapɨ ara ñavo pegua oñemee reve.

NÚMEROS 28:31

Kuae reta pemee vi oñemee reve mɨmba oyeyukagüe opaetei oyeapɨ ara ñavo vae mbota reta ndive jare vino oyepɨyere vae. Pemee mɨmba reta jete kavi vae.

NÚMEROS 28:4

Metei toyeyuka ndeimbove yave, jare ïru kaaru yave.

NÚMEROS 29:11

Pemee vi metei kavara kuimbae Tumpa iñɨ̈ro vaerä mbaeyoa re; oñemee reve jókuae Tumpa iñɨ̈ro vaerä mbaeyoa re vae iara pe, jare mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae oñemee jae ndive vae.

NÚMEROS 29:16

Pemee vi kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, mbota reta jare vino oyepɨyere vae ndive.

NÚMEROS 29:6

Kuae reta pemee vi oñemee reve mɨmba oyeyukagüe opaetei oyeapɨ yasɨ ñavo vae mbota reta ndive jare ara ñavo oñemee vae mbota reta ndive jare vino oyepɨyere vae mborookuai jei rami. Mbota oyeapɨ ipiche katu yandeYa pe vae ko.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

Hebreos 9:6

Opaete kuae mbaembae oyeapo kavi ma yave, sacerdote reta oike avei cuarto oñeñono tee vae pe, joko pe oyapo vaerä iparavɨkɨ.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.