NÚMEROS 28:2 - Biblia Guarani Tumpa Iñee

² “Eyókuai Israel iñemuña reta, agüɨye tiñakañɨ reta tomee cheve mbota reta, mbɨyape jare mbota reta oyeapɨ vae, echa jókuae ko jae mbota ipiche katu cheve vae.

NÚMEROS 28:2 Iomraidhean Croise

GÉNESIS 8:21

YandeYa oëtu yave ipiche katu mbota, jei ipɨa pe: “Ngaraa ye ma ayepopeyu ɨvɨ re kuimbae jeko pegua, yepe tëi kuimbae taɨrusu güive ipɨa pɨ̈chɨi yae vae reño; ngaraa ye ma amboai opaete oikove vae añave ayapo rami.

1 CRÓNICAS 23:31

jare oñemee yave mɨmba oyeyuka opaetei oyeapɨ vae yandeYa pe ara mbutuu pe, yasɨ pɨau pe jare arete ikavigüe pe, oime aveita oyeokuai reta yandeYa pe oyepapa jókuae peguarä vae rupi.

2 CRÓNICAS 23:18

Javoi Joiada oñono oyangareko tupao guasu re vaerä vae reta, sacerdote reta jare levita reta iporookuai igüɨ pe, David oñono reta rami tupao guasu pe oyeokuai vaerä, omee vaerä yandeYa pe mɨmba oyeyukagüe opaetei oyeapɨ vae, Moisés omee mborookuai vae pe oyekuatía oï rami, jare otairari reta vaerä oyerovia reve David oyókuai reta rami.

2 CRÓNICAS 31:3

Mburuvicha guasu omee jɨmba reta güi mɨmba oyeyukagüe opaetei oyeapɨ vaerä, oñemee vaerä ndeimbove yave jare kaaru yave, jare mɨmba oyeyukagüe opaetei oyeapɨ vaerä ara mbutuu pegua pe, yasɨ pɨau pe jare arete reta mbaemboete pegua yandeYa pe oyeapo yave vae peguarä, yandeYa iporookuai pe oyekuatía oï rami.

ESDRAS 3:2

Jayave Jesúa, Josadac taɨ jare jëtara sacerdote reta, jare Zorobabel, Salatiel taɨ jare jëtara reta, omopüa reta mɨmba oyeyukagüe oyeapɨ jese vae Israel iTumpa pe, omee vaerä jese mɨmba oyeyukagüe opaetei oyeapɨ vae, Moisés, Tumpa jembiokuai iporookuai reta jei rami.

ESDRAS 3:3

Jare omopüa reta mɨmba oyeyukagüe oyeapɨ jese vae jendagüe re etei, echa okɨɨye reta jókuae ɨvɨ pegua kuimbae reta güi, jare omee reta jese mɨmba oyeyukagüe opaetei oyeapɨ vae yandeYa pe, ndeimbove yave jare kaaru yave.

NEHEMÍAS 10:34

Jare opaete sacerdote reta, levita reta jare tëta pegua reta royapo suerte orerëtara ñavo rupi, rogüeru vaerä yepea año ñavo ñaneTumpa jo pe, oyereruta ara oyeparavo jókuae peguarä vae pe, oyeapɨ vaerä mɨmba oyeyuka oyeapɨ jese vae re, mborookuai pe oyekuatía oï rami.

SALMOS 81:3

Pemoñee mimbɨguasu yasɨ pɨau pe, jare yasɨ jova guasu yave; jae ko yandearete mbaemboete pegua iara,

ÉXODO 23:15

Toyeapo cheve arete mbɨyape oyembovumbae regua; chiu ara peuta mbɨyape oyembovumbae, che poyókuai rami, jae ko yasɨ Abib pe, echa kuae yasɨ pe peë Egipto güi; jare agüɨye metei ave ipogüɨrai tou cheróvai.

ÉXODO 29:18

Jare opaetei eapɨ vecha kuimbae mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ipiche katu vae ko peYa peguarä; jae ko che peYa peguarä mbota oyeapɨ vae.

EZEQUIEL 16:19

Mbɨyape amee ndeve vae trigokúi ipɨuasɨ kavi vae, asaite jare ei amee nderembiurä vae, remee chupe reta mbota ipiche katu vae. Che ndeYa Tumpa ko jae kuae.

EZEQUIEL 20:41

Pomboatɨ ma opaete ïru tëtaguasu reta peñemoai moai peïa güi yave, aechauka ma cheyemboetea peré opaete vae reta jovake yave, chepɨakatuta amae peré ikäti kavi vae incienso re rami.

EZEQUIEL 45:17

ërei mburuvicha oïta omee vaerä mɨmba oyeyukagüe opaetei oyeapɨ vae jare mbota temitɨ jäɨgüe jare vino oyepɨyere vae arete ikavi yae vae pe, yasɨ pɨau pe, ara mbutuu pegua pe jare opaete arete ñavo pe, tëta Israel pegua reta peguarä.

LEVÍTICO 1:13

Jare toyoe ɨ pe ichuri churigüe jare iugüe reta; jare sacerdote tomee opaete, toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 1:17

Jare toipeka ikupepɨte rupi ipepo reta ipäu rupi, ërei agüɨye tomboyao oyougüi; jare sacerdote toapɨ mɨmba oyeyuka oyeapɨ jese vae re, yepea oï tata pe vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 1:9

Jare mbota omee vae toyoe ɨ pe ichuri churigüe jare iugüe reta, jare sacerdote toapɨ mɨmba oyeyuka oyeapɨ jese vae re; mɨmba oyeyukagüe opaetei oyeapɨ vae ko, mbota ipiche katu vae ko cheveguarä.

LEVÍTICO 21:6

iyoambae toyogüɨreko Tumpa pe, agüɨye tomongɨa reta Tumpa jee, echa mbota oyeapɨ oñemee cheve vae jare mbɨyape Tumpa pegua jae reta ko omee, jáeramo iyoambae toyogüɨreko.

LEVÍTICO 21:8

Eñono tee reta opaete mbaembae güi, echa jae reta ko omee mbɨyape neTumpa pe. Jare iyoambae toyogüɨreko ndeveguarä, echa che peYa iyoambae ko añono tee reta.

LEVÍTICO 3:11

Jare sacerdote toapɨ kuae reta mɨmba oyeyuka oyeapɨ jese vae re; mbota tembíu oyeapɨ vae ko cheveguarä.

MALAQUÍAS 1:12

Jare pe reta pemboeteä ko pere yave: “Mɨmba oyeyuka oyeapɨ jese vae yandeYa imbae ikɨa yae jare tembíu oï joko pe vae yandemboyuguaru.”

MALAQUÍAS 1:7

Pe reta peru cheve mbɨyape ikɨa vae, mɨmba oyeyuka oyeapɨ jese vae chembae pe, jare pere yeti: ‘¿Mbae pe pa romboeteä?’ Pe chemboeteä pepɨa pe peröɨro yave mɨmba oyeyuka oyeapɨ jese vae chembae,

NÚMEROS 15:24

Peikuaambae reve jókuae mbaeyoa peyapo yave, opaete vae tomee metei toro mɨmba oyeyukagüe opaetei oyeapɨ vaerä, tipiche katu yandeYa pe, toï vi jókuae ndive mbota temitɨ jäɨgüe jare vino oyepɨyere vae, mborookuai jei rami; jare metei kavara kuimbae Tumpa iñɨ̈ro vaerä mbaeyoa re.

NÚMEROS 15:3

pemee yave mbota oyeapɨ vae yandeYa pe, mɨmba oyeyukagüe opaetei oyeapɨ vae ani mɨmba oyeyukagüe; jókuae mbota peñererökuavee pe aeño pemee vaerä vae, ani pepɨa-kɨ̈reɨ ngatu reve pemee vae, ani pearete guasu pe pemee mbota ipiche katu vae yandeYa pe vae, toro ani vecha yepe;

NÚMEROS 15:7

jare vino oyepɨyere vaerä vae metei litro oasa mi, tomee yandeYa pe mbota ipiche katu vae.

NÚMEROS 28:1

YandeYa jei Moisés pe:

NÚMEROS 29:39

Jae kuae mbota reta pemeeta yandeYa pe vae, peyapo arete ikavi yae vae Tumpa peguarä yave, pemee reve pe aeño peñererökuavee pemee vaerä vae, ani pepɨa-kɨ̈reɨ ngatu reve pemee vae; mɨmba oyeyukagüe opaetei oyeapɨ vae yepe, mbota temitɨ jäɨgüe, ani vino oyepɨyere vae, ani mbota yembopɨakatu pegua yepe.”

NÚMEROS 9:13

Ërei mbaetɨ oyapo Pascua vae, yepe tëi mbaetɨ ikɨa ani ketɨ ojo; jókuae nunga toyemombo ete kavi jëtara reta ipɨte güi. Mbaetɨ omee mbota yandeYa pe oñemeeta tëi vae jeko pegua, toiporara iyoa re.

NÚMEROS 9:7

jare jei reta Moisés pe: —Ore orekɨa roï Tumpa jóvai, tëogüe royavɨkɨ jeko pegua. ¿Orepuere potaä pa romee mbota yandeYa pe kuae ara, Israel iñemuña reta ndive?

2 Corintios 2:15

Echa ore reta Cristo re, mbae ikäti kavi vae rami ko Tumpa pe. Jökoraiño vi oporogüɨrovia vae reta pe jare oporogüɨroviambae vae reta ipɨte pe.

Efesios 5:2

Peyoaɨu, Cristo yanderaɨu rami. Echa jae oñemee omano vaerä yanderé, mɨmba oyeyukagüe ipiche katu vae Tumpa pe oñemee rami.

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.