NÚMEROS 27:21 - Biblia Guarani Tumpa Iñee

²¹ Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

NÚMEROS 27:21 Iomraidhean Croise

2 SAMUEL 21:1

David oiko mburuvicharä yave oiko karuai mboapɨ año rupi. Jayave David oparandu yandeYa pe, jare yandeYa jei chupe: “Kuae karuai ou ko Saúl jare taɨ reta jare jëtara reta jeko pegua, echa oyuka reta tëta Gabaón pegua kuimbae reta.”

ESDRAS 2:63

Jare tëta ruvicha jei agüɨye vaerä jou tembíu oñeñono tee Tumpa peguarä vae güi, sacerdote oparandu regua Tumpa pe, Urim jare Tumim rupi.

NEHEMÍAS 7:65

Jare tëta ruvicha jei chupe reta agüɨye vaerä jou reta oñeñono tee kavi yae Tumpa peguarä vae güi, ou regua metei sacerdote oikuaauka ita Urim jare Tumim jee vae rupi vae.

ÉXODO 28:30

Jare toñono reta pɨtía regua morojäa pegua re Urim jare Tumim, Aarón güɨraja vaerä ipɨtía re oike yave che peYa jóvai; jökorai Aarón togüɨraja avei ipɨtía re Israel taɨ reta jee cheróvai.

LEVÍTICO 8:8

Jare oñono jese pɨtía regua jare oñono pɨpe ita Urim jare Tumim jee vae.

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

NÚMEROS 27:17

toë jae reta jenonde jare toike jae reta jenonde, togüɨnoe jare togüɨroike reta, agüɨye vaerä ndembae vae reta yogüɨreko vecha iyangarekoambae rami.

NÚMEROS 27:2

Kuae kuña reta yogüeru oyemboɨ Moisés, Eleazar jare opaete vae reta jóvai tupao guakapi pegua jöke pe, jare jei reta:

NÚMEROS 27:20

Jare emee chupe ndembaepuere, opaete Israel iñemuña reta oyapo vaerä iporookuai.

NÚMEROS 27:22

Moisés oyapo opaete yandeYa oyókuai rami, echa oipɨɨ Josué jare oñono sacerdote Eleazar jare opaete vae jóvai.

NÚMEROS 27:5

Jare Moisés güɨraja kuae teko yandeYa jóvai.

DEUTERONOMIO 31:3

YandeYa Tumpa ojota perenonde; jae omboaita peve kuae tëtaguasu reta, jare peiketa peiko pɨpe; Josué ojota perenonde, yandeYa jei rami.

DEUTERONOMIO 33:8

Leví iñemuña reta pe jei: “CheYa ndeTumim jare ndeUrim emee nderembiokuai jupi vae pe, Masah pe rejäa vae, reyomboarasɨ jae ndive ɨ Meriba pegua pe vae,

JOSUÉ 9:14

Jare Israel iñemuña reta oipɨɨ tapeke Gabaón pegua reta güerugüe, ërei mbaetɨ oparandu reta yandeYa pe.

JUECES 1:1

Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:23

Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.

1 SAMUEL 14:19

Jare Saúl imiari ramboeve oï sacerdote ndive, jeiete oyembotuicha kɨɨye rai filisteo reta jeyupa pe. Jayave Saúl jei sacerdote pe: —Agüɨye mo eru Tumpa ikäjou cheve.

1 SAMUEL 23:9

Ërei David oikuaa yave Saúl oyemongeta kaviä ikotɨ, jei sacerdote Abiatar pe, güeru vaerä temimonde iyɨvambae sacerdote pegua oparandu vaerä Tumpa pe.

1 SAMUEL 28:6

Jayave oparandu yandeYa pe; ërei yandeYa mbaetɨ omombeu chupe mbaɨu rupi, Urim rupi, ani ñeemombeúa reta rupi ave.

1 SAMUEL 30:7

Jare David jei sacerdote Abiatar, Ahimelec taɨ pe: —Eru cheve temimonde iyɨvambae vae sacerdote pegua. Jare Abiatar güɨraja chupe jókuae temimonde.