NÚMEROS 24:8 - Biblia Guarani Tumpa Iñee

⁸ Tumpa ko, Egipto güi güɨnoe reta; jae ko ipɨ̈rata yae chupe reta toro rami. Israel iñemuña reta opata omokañɨtei tëtaguasu tovaicho reta, opata oikägüe rakɨo reta, oñɨvota mii raɨ ipo pegua pe.

NÚMEROS 24:8 Iomraidhean Croise

SALMOS 2:9

Remoamɨrita mbaepuere yae rupi, ¡mbaerɨru ñaeu pegua rami remonguruvita!”

SALMOS 21:12

Nde rembotekuarai retata, nderuvɨ rejäata ikotɨ reta.

SALMOS 45:5

Nderuvɨ jakuaroviasɨ ko, pɨpe opata oa tëta reta nderóvai, nderovaicho reta reñɨvota ipɨa pe.

SALMOS 45:6

CheRu Tumpa, ndeguapɨa mborookuaía pegua jae ko opambae jare jekuae avei vae; ndepo pegua popoka mborookuaía pegua, jae ko jupi vae pegua.

ÉXODO 23:22

Ërei añetete perovia iñee jare peyapo opaete che jae peve vae yave, aikota perovaicho reta jovaichorä jare ambopɨatɨtɨta pembopɨatɨtɨ vae reta.

ISAÍAS 38:13

Chereroköe chemoäse mbaerasɨ, yaguapope oakɨo chekägüe oï rami. Ara pe jare pɨ̈tu yave oiporarauka cheve.

JEREMÍAS 50:17

Israel ko metei vecha okañɨgüe rami, yaguapope reta opa omoai moai rami. Tenonde ete mburuvicha guasu Asiria pegua opa jou; jaɨkue rupi, Nabucodonosor mburuvicha guasu Babilonia pegua, opa oikäo.

JEREMÍAS 50:9

Echa ɨvɨtuguasu kotɨgua tëta reta jeta yae jare imbaepuere yae vae amopüa oporepeña vaerä Babilonia re. Oyeapo katu yae reta jëta peve jare opɨ̈ro retata. Isundaro reta ikuaakatu yae reta, ojäa uvɨ oyavɨmbae reve.

DANIEL 6:24

Jare mburuvicha guasu oporookuai, oyereru vaerä jókuae kuimbae reta omboeko Daniel vae, jare opa oitɨ reta yaguapope reta jɨru pe jae reta, taɨ reta jare jembireko reta; jare ndei ɨvɨkua jugua pe opa oa mbove, yaguapope reta oipɨɨ jare opa ikägüe reta omopüruru.

NÚMEROS 14:9

Jáeramo agüɨye peyembopɨapochɨ yandeYa kotɨ, agüɨye pekɨɨye jókuae ɨvɨ pegua reta güi, echa mbɨyape yau vae ramiñota ko; mbaetɨ kia oepɨ reta vaerä, yande ndive ko oï yandeYa. ¡Agüɨye pekɨɨye chugüi reta!

NÚMEROS 21:5

Jare opaete vae iñeenguru Tumpa kotɨ jare Moisés kotɨ, körai: —¿Maera pa orereru ɨvɨ Egipto güi romano vaerä kuae ñuu rupi? Echa mbaetɨ tembíu jare ɨ ave. ¡Orembogüérai ma kuae maná jëe ngatumbae!

NÚMEROS 23:22

Tumpa ko, Egipto güi güɨnoe reta; jae ko ipɨ̈rata yae chupe reta toro rami.

NÚMEROS 23:24

Kuae tëta opüata oñemoata yaguapope rami, ngaraa oputuu jou regua jembia, jou regua jembia jugüɨ.”

San Mateo 2:15

Jare yogüɨreko joko pe Herodes omano regua. Jökorai oyembopo vaerä yandeYa omombeu arakae ñeemombeúa rupi vae Echa jei: “Egipto güi aru ye cheRaɨ.”

DEUTERONOMIO 32:23

Amboatɨta jese reta opaete ikavimbae, aiporuta jese reta opaete cheruvɨ reta;

DEUTERONOMIO 32:42

Tugüɨ katuaita cheruvɨ, jare chekɨsepuku oyemoangapɨɨta soo re: ¡Tëogüe jare tembipɨɨ reta jugüɨ pe! ¡Tovaicho reta iavuku vae iñäka re!’

DEUTERONOMIO 7:1

YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

JOSUÉ 2:10

Echa roendu kërai peYa opa omondɨpa Ɨguasu Pɨ̈ta vae peasa vaerä Egipto güi peë yave; jare kërai opa pemokañɨtei, jókuae mókoi mburuvicha guasu reta, Sehón jare Og, amorreo reta juvicha guasu, ɨ̈aka Jordán jovaicho kotɨ ñogüɨnoi vae reta.